Հետազոտական կենտրոն
Կարդալու տևողություն՝
20 րոպե
Կենտրոնական բանկերը մեղմացնում են քաղաքականությունը՝ մինչ այժմ դիմակայուն տնտեսության պայմաններում
Անցյալ տարին որոշ առումներով բացառիկ էր։ Համաշխարհային շուկաներում բաժնետոմսերը հասան նոր բարձունքների, իսկ նորաստեղծ շուկաների բաժնետոմսերը մոտեցան 2021 թվականի մակարդակներին։ Այս ամենը տեղի ունեցավ ԱՄՆ վարչակազմի որոշակիորեն ոչ ստանդարտ քաղաքականության ֆոնին՝ հատկապես առևտրային ուղղությամբ, ինչը հանգեցրեց ապահով ապաստանի՝ ոսկու ֆենոմենալ արդյունքների։ Ուշագրավ է, որ ռիսկային սպեկտրի երկու ծայրերում գտնվող ակտիվները բարձր եկամտաբերություն են ցուցաբերել։ Վերջերս աճել է եվրոպական և ճապոնական պարտատոմսերի եկամտաբերությունը։ Հետաքրքիր է, որ աճել են ԱՄՆ եկամտաբերության ցուցանիշները՝ չնայած Դաշնային պահուստի տոկոսադրույքի իջեցման ցիկլին։ Թեև եկամտաբերության կորի երկար կողմը քիչ է կախված դրամավարկային քաղաքականության որոշումներից (համեմատած կարճի հետ), այնուամենայնիվ անսովոր է, որ երկուսն էլ շարժվում են հակառակ ուղղություններով։
Առաջիկայում, հիմնական բեռը հավանաբար կընկնի ֆիսկալ քաղաքականության վրա, հատկապես՝ ԱՄՆ-ում, Գերմանիայում և Ճապոնիայում, սակայն դրամավարկային քաղաքականությունը նույնպես կտրամադրի աջակցություն։ Այսպիսով՝ սպառումը, աշխատաշուկան և գնաճային միջավայրը կորոշեն քաղաքականության ուղղությունը, մինչդեռ արհեստական բանականության (ԱԲ) հետ կապված ներդրումները կենթարկվեն ավելի խիստ շուկայական քննության։ Այս ամենը տեղի կունենա ԱՄՆ բացառիկությանը նետվող մարտահրավերների ֆոնին՝
«Թրամփի վարչակազմի ոչ ստանդարտ քաղաքականությունը և Դաշնային պահուստի վրա գործադրվող ճնշումները նշանակում են, որ ԱՄՆ-ում իրական եկամտաբերությունը, ամենայն հավանականությամբ, կմնա սահմանափակված, ինչը կնվազեցնի ԱՄՆ դոլարի որպես ապահով ապաստանի գրավչությունը»։
Մոնիկա Դիֆենդ
Ամունդի ներդրումային ինստիտուտի ղեկավար
«Երկուսն էլ՝ մակրո իրացվելիությունը (հաշվեկշռի ընդլայնում, փողի զանգված և այլն) և շուկայական իրացվելիությունը բավարար են, սակայն կարող են արագ վերանալ քաղաքականության անորոշության և բարձր տատանողության պայմաններում։ Սա հաստատում է չափավոր ռիսկի մեր դիրքորոշումը»։ (1)
Վինսենթ Մորտիե
Խմբի ԳՆՏ
(1) Շուկայական իրացվելիությունը բխում է առևտրային ակտիվությունից և ցույց է տալիս, թե որքան արագ կարելի է գնել կամ վաճառել արժեթուղթ՝ առանց գների վրա էական ազդեցության։
Զարգացած աշխարհում աճող պարտքի և ընդլայնվող դեֆիցիտների, ինչպես նաև համաշխարհային աշխարհաքաղաքական ռիսկերի հետ կապված մտահոգությունները կշարունակվեն։ Այս միջավայրում նորաստեղծ շուկաներն առաջարկում են ուժեղ հիմք անհատական հնարավորությունների համար, հատկապես երբ զարգացած շուկաների կենտրոնական բանկերը մեղմացնում են քաղաքականությունը։ Ստորև մանրամասն ներկայացնում ենք մեր ներդրումային մոտեցումները՝
«ԱՄՆ աշխատաշուկայի թուլացման և բարձր ռիսկային ակտիվների գնահատումների մտահոգությունները հավասարակշռվում են ֆիսկալ և դրամավարկային աջակցությամբ, ինչպես նաև առատ իրացվելիությամբ։ Այս ոչ այնքան պարզ իրավիճակում մենք մի փոքր նվազեցրել ենք ռիսկի հավանականության վերաբերյալ մեր դիրքորոշումը»։
Ֆիլիպ դ՛Օրգեվալ
Խմբի ԳՆՏ տեղակալ
ՖԻՔՍՎԱԾ ԵԿԱՄՈՒՏ
Չեզոք ժամկետայնություն՝ տարածաշրջանային տարբերություններով
Ամորի Դորսեյ
Ֆիքսված եկամտի գծով ղեկավար
Թեպետ համաշխարհային տնտեսությունը եղել է բավականին դիմակայուն, այդուհանդերձ՝ գլխավոր տարածաշրջանները տարբերվում են որոշակի մեղմ նրբություններով։ Օրինակ՝ Եվրագոտում աշխատավարձերի գնաճը ցածր է, իսկ ընդհանուր գնաճի տեմպերի անկումն ընթանում է նախատեսված ուղիով։ Մեր սպասումները ԵԿԲ-ի կողմից 2026 թվականին տոկոսադրույքների իջեցման վերաբերյալ անփոփոխ են՝ չնայած խորհրդի որոշ անդամների վերջին կոշտ մեկնաբանություններին։ Ճապոնիայում մեզ համար առանցքային հարց է՝ ինչ եկամտաբերության մակարդակում ճապոնական պարտքը կդառնա բավարար չափով գրավիչ, և կառավարությունը որքանով է հավանականորեն շարունակելու ֆիսկալ մեղմացումը։
Այս միջավայրում նախընտրում ենք ներկա լինել տարբեր աշխարհագրություններում՝ կայունություն և լրացուցիչ եկամտաբերություն որոնելու համար։ Վերջինիս համար հնարավորություններ ենք տեսնում կորպորատիվ վարկի շուկայում և զարգացող շուկաների պարտատոմսերում (նաև դիվերսիֆիկացիոն բարենպաստ տեսանկյունից), որոնք բարձրորակ եկամտաբերության աղբյուր են։
Ժամկետայնության ու եկամտաբերության կորեր
Կորպորատիվ վարկ և զարգացող շուկաների պարտատոմսեր
Արտարժույթ
ԲԱԺՆԵՏՈՄՍԵՐ
Դիվերսիֆիկացնել Եվրոպայի փոքր և միջին կապիտալիզացիայով ընկերությունների միջև
Բարրի Գլավին
Բաժնետոմսերի հարթակի ղեկավար
Համաշխարհային տնտեսությունը համեմատաբար լավ է զարգացել, և դա արտացոլվում է շուկայական արդյունքներում՝ առատ իրացվելիության ֆոնին։ Այն, ինչ շուկաներում դեռ արտացոլված չէ, քաղաքականության անորոշությունն է, սպառման դանդաղման նշանները և բարձր գնահատումների ռիսկերը։ Այս միջավայրում մեր ուշադրությունը մնում է հիմնարար ցուցանիշների վրա և շարունակում ենք հակված մնալ այն բիզնեսներին, որտեղ ռիսկ-եկամտաբերության հավասարակշռությունը լավ է պահպանված։ Ավելի ու ավելի հաճախ այդպիսի բիզնեսներ ենք գտնում ԱՄՆ-ից դուրս գտնվող տարածաշրջաններում։
Օրինակ՝ Եվրոպան լուրջ հանձնառություն է ցուցադրում բարձր հանրային ծախսերի և ռազմավարական մատակարարման շղթաների տեղայնացման գործում։ Բացի դրանից, նորաստեղծ շուկաներում մեր դրական տեսակետն ամրապնդվում է այս տարվա գերազանց արդյունքներով՝ համեմատած զարգացած աշխարհի հետ։ Ընդհանուր առմամբ՝ պահպանում ենք «ծանրաձողի» մոտեցումը՝ որակյալ արդյունաբերական ընկերությունների և պաշտպանական հատվածների նկատմամբ դրական դիրքորոշմամբ։
Զարգացած շուկաներ
Զարգացող շուկաներ
ԲԱԶՄԱԱԿՏԻՎՆԵՐ (MULTI-ASSET)
Ռիսկային իրավիճակ՝ վերադասավորվել, սակայն չնահանջել
Ֆրանչեսկո Սանդրինի
Բազմաակտիվների (multi-asset) ռազմավարության գծով ստորաբաժանման ղեկավար
Ջոն օթուլ
Բազմաակտիվների (multi-asset) ներդրումների գծով լուծումների ստորաբաժանման ղեկավար
ԱՄՆ-ում տեսնում ենք խառը մակրոտնտեսական ազդանշաններ։ Աշխատաշուկան թուլանում է, սակայն թուլացման տեմպը կայունանում է, Դաշնային պահուստը մեղմացնում է քաղաքականությունը և գիտակցում է իրացվելիության պահպանման կարևորությունը, իսկ ֆիսկալ քաղաքականությունը մնում է աջակցող։ Եվրոպայում սպառումը մնում է թույլ, սակայն գնաճը նվազում է։ Այս գործոնները, համադրված շուկաներում առատ իրացվելիության և բարենպաստ վարկային պայմանների հետ, որոշ չափով մեղմացնում են (բայց ամբողջությամբ չեն վերացնում) բարձր գնահատումներով առաջացած ռիսկերը։ Հետևաբար՝ ռիսկային ակտիվների վերաբերյալ մեր տեսակետներում կատարել ենք որոշակի ճշգրտումներ՝ առանց միջնաժամկետ դիրքորոշումը փոխելու։ Բացի դրանից, պահպանում ենք այն դիրքորոշումը, որ բարձր գնահատումների պայմաններում անհրաժեշտ են պաշտպանական միջոցներ՝ ոսկու և զարգացած շուկաների բաժնետոմսերի հեջավորման տեսքով։
Բաժնետոմսերի նկատմամբ մեր տեսակետը մնում է դրական՝ ներառյալ ԱՄՆ, ՄԹ և ԵՄ շուկաները։ Դաշնային պահուստի մեղմացումը և շահութաբերությունը նպաստող գործոններ են։ Սակայն շուկաները գնալով ավելի խիստ կդիտարկեն ընկերությունների կապիտալ ծախսերի վերադարձի հնարավորությունը՝ ԱԲ-ի և տեխնոլոգիական ավելի լայն ոլորտի համար։ Նորաստեղծ շուկաներում տեսնում ենք Չինաստանի ներքին տրամադրությունների վատթարացում՝ գերագնահատումների ֆոնին, ինչը մեզ ստիպում է մարտավարական առումով անցնել չեզոք դիրքորոշման Չինաստանի նկատմամբ։ Շարունակում ենք հետևել այնտեղի տնտեսական վիճակին։ Միաժամանակ ցանկանում ենք պահպանել ավելի հավասարակշռված դիրքորոշում ընդհանուր զարգացող շուկաների նկատմամբ՝ ներառյալ Չինաստանը։
Ժամկետայնության նկատմամբ պահպանում ենք դրական տեսակետը՝ հիմնականում ԱՄՆ-ի և Եվրոպայի շնորհիվ, սակայն վերջին ամիսներին ՃԲ-ի կողմից քաղաքականության նորմալացման մտադրության արդյունքում եկամտաբերությունների արագ բարձրացումից հետո նվազեցրել ենք Ճապոնիայի նկատմամբ բացասական տեսակետը։ Այնուամենայնիվ՝ Ճապոնիայի հանդեպ շարունակում ենք զգուշավոր մնալ։ ԱՄՆ-ում եկամտաբերության կորի կարճ և միջին կողմերը համարում ենք ավելի գրավիչ, քան երկար կողմը։ Եվրոպայում սպասում ենք ավելի ցածր տոկոսադրույքներ՝ աճի փխրունության պատճառով։ Դրական ենք նաև իտալական պետական պարտատոմսերի նկատմամբ՝ համեմատած գերմանականի հետ։ Շարունակում ենք փնտրել արժեք ԵՄ ներդրումային դասի և զարգացող շուկաների պարտատոմսերում։
Արտարժույթի նկատմամբ մեր տեսակետը հիմնված է ԱՄՆ դոլարի կառուցվածքային մարտահրավերների վրա։ Բացի դրանից, դրական ենք նորվեգական կրոնի և ճապոնական իենի նկատմամբ՝ համեմատած եվրոյի հետ։ Նորվեգական կրոնին կնպաստի Նորվեգիայի ցիկլային ազդեցությունը՝ համաշխարհային աճի ընդունելի տեմպերի պայմաններում։
«Մենք անցել ենք զարգացող շուկաների բաժնետոմսերի նկատմամբ ավելի հավասարակշռված դիրքորոշման՝ արտացոլելով ուժեղ տեղաշարժումները, մինչդեռ ժամկետայնության առումով մարտավարական տեսանկյունից վերանայել ենք մեր դիրքորոշումը Ճապոնիայի վերաբերյալ»։
Հեռանկարներ
Ակտիվների դասերի վերաբերյալ Ամունդի դիրքորոշում
ԿԱՐԵՎՈՐ ՏԵՂԵԿՈՒԹՅՈՒՆ
ՄՍՄԿ-ի տեղեկությունները կարող են գործածվել միայն Ձեր ներքին օգտագործման համար, չեն կարող վերարտադրվել կամ տարածվել որևէ ձևով և չեն կարող գործածվել որպես որևէ ֆինանսական գործիքի կամ պրոդուկտի կամ ինդեքսի հիմք կամ դրա բաղադրիչ։ ՄՍՄԿ-ի որևէ տեղեկություն նախատեսված չէ լինելու ներդրումային խորհրդատվություն կամ որևէ տեսակի ներդրումային որոշում կայացնելու (կամ դրանից զերծ մնալու) առաջարկություն, և դրա վրա չի կարելի հիմնվել որպես այդպիսին։ Պատմական տվյալները և վերլուծությունը չպետք է ընկալվեն որպես որևէ հետագա կատարողականի վերլուծության, կանխատեսման կամ կանխագուշակման մասին նշում կամ երաշխիք։ ՄՍՄԿ-ի տեղեկությունները տրամադրվել են «այնպես, ինչպես կա» հիմքով, և սույն տեղեկություններն օգտագործողն ստանձնում է սույն տեղեկությունների ցանկացած օգտագործման բոլոր ռիսկերը։ ՄՍՄԿ-ն, դրա փոխկապակցված անձինք և յուրաքանչյուր անձ, որը ներգրավված է ՄՍՄԿ-ի որևէ տեղեկություն կազմելուն կամ կապված է դրա հետ (միասին «ՄՍՄԿ կողմեր»), սույն տեղեկությունների մասով բացահայտ հրաժարվում է բոլոր երաշխիքներից (այդ թվում, առանց սահմանափակման, բնօրինակության, ճշգրտության, ամբողջականության, ժամանակին լինելու, խախտում չկատարելու, վաճառքի համար պիտանիության և կոնկրետ նպատակին համապատասխանության վերաբերյալ ցանկացած երաշխիքից)։ Չսահմանափակելով վերոնշյալ որևէ դրույթ, ՄՍՄԿ որևէ կողմ որևէ դեպքում չի կրում որևէ պատասխանատվություն որևէ ուղղակի, անուղղակի, հատուկ, պատահական, պատժիչ, հետևանքային (այդ թվում, առանց սահմանափակման, բաց թողնված օգուտի) կամ որևէ այլ վնասի համար։ (www.mscibarra.com)։
SM արդյունաբերությունների դասակարգման համաշխարհային ստանդարտը (ԱԴՀՍ) մշակվել է «Ստենդրդ ընդ Փուրզ»-ի և ՄՍՄԿ-ի կողմից և դրանց բացառիկ սեփականությունն ու ծառայությունների ապրանքանիշն է։ Ոչ «Ստենդրդ ընդ Փուրզ»-ը, ՄՍՄԿ-ն և ոչ էլ ԱԴՀՍ որևէ դասակարգում մշակելուն կամ կազմելուն ներգրավված որևէ այլ կողմ որևէ բացահայտ կամ ենթադրյալ երաշխիք կամ հավաստիացում չի տալիս այդ ստանդարտի կամ դասակարգման (կամ դրանց օգտագործումից ստացվելիք արդյունքի) վերաբերյալ, և այդ բոլոր կողմերը սույնով բացահայտ հրաժարվում են ցանկացած այդպիսի ստանդարտի կամ դասակարգման առնչությամբ բնօրինակության, ճշգրտության, ամբողջականության, վաճառքի համար պիտանիության կամ կոնկրետ նպատակին համապատասխանության վերաբերյալ ցանկացած երաշխիքից։ Չսահմանափակելով վերոնշյալ որևէ դրույթ, «Ստենդրդ ընդ Փուրզ»-ը, ՄՍՄԿ-ն, դրան որևէ փոխկապակցված անձ կամ ԱԴՀՍ որևէ դասակարգում մշակելուն կամ կազմելուն ներգրավված որևէ երրորդ կողմ որևէ պատասխանատվություն չի կրում որևէ ուղղակի, անուղղակի, հատուկ, պատժիչ, հետևանքային կամ որևէ այլ վնասի (այդ թվում՝ բաց թողնված օգուտի) համար, նույնիսկ եթե ծանուցվել է այդ վնասների հնարավոր լինելու մասին։
Սույն փաստաթուղթը նախատեսված է միայն տեղեկատվական նպատակների համար: Սույն փաստաթուղթը չի հանդիսանում վաճառքի առաջարկ, գնման առաջարկի հրավեր կամ որևէ արժեթղթի կամ որևէ այլ պրոդուկտի կամ ծառայության առաջարկություն։ Ցանկացած արժեթուղթ, պրոդուկտ կամ ծառայություն, որին հղում է կատարվում, կարող են գրանցված չլինել Ձեր պետությունում համապատասխան մարմնի կողմից վաճառքի համար և կարող են չկարգավորվել կամ չվերահսկվել Ձեր պետությունում որևէ պետական կամ համանման մարմնի կողմից։ Այս փաստաթղթում պարունակվող տեղեկատվությունը չպետք է փոփոխվի կամ ներկայացվի այնպես, որ առաջացնի թյուրընկալումներ կամ սխալ հավաստիացումներ։ Փաստաթղթի բովանդակության ցանկացած օգտագործում, վերարտադրում կամ տարածում առանց ամբողջական և պատշաճ հղման սկզբնաղբյուրին արգելվում է։ Սույն փաստաթղթում պարունակվող ցանկացած տեղեկություն չի կարող օգտագործվել որպես որևէ ֆինանսական գործիքի կամ պրոդուկտի կամ ինդեքսի հիմք կամ դրա բաղադրիչ։ Ավելին, ոչինչ սույն փաստաթղթում նախատեսված չէ հարկային, իրավական կամ ներդրումային խորհրդատվություն տրամադրելու համար։ Եթե այլ բան նշված չէ, ապա սույն փաստաթղթում պարունակվող բոլոր տեղեկություններն ստացվել են «Ամունդի Ասեթ Մենեջմենթ ԷսԱԷս» ընկերությունից և ներկայաված են 2025 թվականի նոյեմբերի 30-ի դրությամբ։ Դիվերսիֆիկացիան չի երաշխավորում շահույթ կամ չի պաշտպանում կորուստից։ Սույն փաստաթուղթը տրամադրվել է «այնպես, ինչպես կա» հիմքով, և սույն տեղեկություններն օգտագործողն ստանձնում է սույն տեղեկությունների ցանկացած օգտագործման բոլոր ռիսկերը։ Պատմական տվյալները և վերլուծությունը չպետք է ընկալվեն որպես որևէ հետագա կատարողականի վերլուծության, կանխատեսման կամ կանխագուշակման մասին նշում կամ երաշխիք։ Շուկայի և շուկայի միտումների վերաբերյալ արտահայտված տեսակետները հեղինակի տեսակետներն են և պարտադիր չէ, որ լինեն «Ամունդի Ասեթ Մենեջմենթ ԷսԱԷս» ընկերության կամ Ամունդի-Ակբա Ասեթ Մենեջմենթ ՓԲԸ-ի տեսակետներ ու ցանկացած պահի ենթակա են փոփոխության՝ շուկայի և այլ պայմանների հիման վրա, և չեն կարող լինել հավաստիացումներ առ այն, որ երկրները, շուկաները կամ ոլորտները կհամապատասխանեն ակնկալիքներին։ Սույն տեսակետները պետք չէ հիմք ընդունել որպես ներդրումային խորհրդատվություն, արժեթղթի առաջարկություն կամ «Ամունդի» ընկերության կամ Ամունդի-Ակբայի որևէ պրոդուկտի առքուվաճառքի մասին նշում։ Ներդրումը ներառում է ռիսկեր, այդ թվում՝ շուկայական, քաղաքական, իրացվելիության և արժույթի հետ կապված ռիսկեր։ Ավելին, «Ամունդին» կամ Ամունդի-Ակբան որևէ դեպքում չեն կրում որևէ պատասխանատվություն դրա հետևանքով առաջացած որևէ ուղղակի, անուղղակի, հատուկ, պատահական, պատժիչ, հետևանքային (այդ թվում, առանց սահմանափակման, բաց թողնված օգուտի) կամ որևէ այլ վնասի համար։
Առաջին օգտագործման ամսաթիվը՝ 2025թ նոյեմբերի 30։
«Ամունդի-Ակբա Ասեթ Մենեջմենթ» ՓԲԸ-ն իրավաբանական անձ է, որը գրանցված է Հայաստանի Հանրապետությունում և Հայաստանի Կենտրոնական բանկի կողմից տրամադրած ներդրումային ֆոնդերի կառավարման թիվ 0002-ի լիցենզիայի հիման վրա, Հայաստանի Հանրապետությունում իրականացնում է պարտադիր կենսաթոշակային ֆոնդերի կառավարում։ Գրանցված գրասենյակը գտնվում է Երևան, Վազգեն Սարգսյան 10, 100-101 տարածք։
Ամունդի-Ակբայի մասին ավելին իմանալու համար կարող եք այցելել www.amundi-acba.am կամ զանգահարել 011-310-000։
