ԱՄՆ-ի բաժնետոմսերն օգոստոսին հասել են նոր բարձունքների, իսկ եվրոպական շուկաների շրջանառությունը մոտ էր մարտ ամսվա մակարդակներին, թեպետ կորպորատիվ վարկային սպրեդների ծավալն ամռան ընթացքում փոքրացել է: Շուկայի տրամադրվածությունը ձևավորվում էր արհեստական բանականության կապիտալ ծախսերի ակնկալիքներից, ԱՄՆ-ի լավ եկամտաբերության շրջանից և Ջեքսոն Հոուլում Դաշնային պահուստի համեմատաբար մեղմ դիրքորոշման ազդեցությամբ: Թվում է՝ շուկաների վրա չեն ազդում  տնտեսական ակտիվության հետ կապված ռիսկերը (օրինակ՝ աշխատաշուկան), Դաշնային պահուստի վրա քաղաքական ճնշումները, բյուջետային դեֆիցիտները և կորպորատիվ մարժաները: 

Մեր կարծիքով, ստորև ներկայացված ուղղությունները կձևավորեն շուկաների ներկա դինամիկան. 

• Մաքսատուրքերն ավելի շատ կազդեն ԱՄՆ-ի տնտեսական աճի վրա, քան գնաճի։

Գնաճի ճնշումը, ամենայն հավանականությամբ, մոտենում է, սակայն անմիջապես դրա ազդեցությունը չի զգացվի (այսինքն՝ ծառայություններ՝ ի տարբերություն ապրանքների): Այս տարի և 2026-ին աճի թույլ տեմպերը կպահպանվեն՝ աշխատաշուկայի ավելի ցածր ցուցանիշների և աշխատավարձերի աճի դանդաղման պատճառով (դեռևս հստակ տեսանելի չէ): Ավելի բարձր կարճաժամկետ գնաճը նաև կծանրաբեռնի սպառումը տարվա մնացած մասում: Բացի դրանից, մաքսատուրքերն ազդեցություն կունենան Եվրագոտու վրա, սակայն ԵԿԲ-ն կշարունակի իր աջակցությունը: Տարվա երկրորդ կիսամյակում աճը կլինի ավելի թույլ, քան առաջին կիսամյակում: Այնուամենայնիվ, ներքին պահանջարկը պահպանվում է՝ իրական աշխատավարձերի աճի շնորհիվ, սակայն արտահանման ռիսկերի մակարդակը բարձր է:

• Դաշնային պահուստի ուշադրությունը գնաճից տեղափոխվում է տնտեսական աճի վրա, մինչ քաղաքական ճնշումները Դաշնային պահուստի վրա աճում են:

Ընդհանուր առմամբ, մենք պահպանում ենք մեր կանխատեսումը՝ այս տարի Դաշնային պահուստի կողմից տոկոսադրույքի երեք իջեցումների վերաբերյալ (առաջինը՝ սեպտեմբերին), պայմանավորված տնտեսության թուլացմամբ, քանի որ Դաշնային պահուստը կենտրոնանում է զբաղվածության վրա: Եվրոպական կենտրոնական բանկի համար մեր կանխատեսումներն անփոփոխ են՝ մենք այս տարի ակնկալում ենք տոկոսադրույքի երկու իջեցում: Մենք ավելի մեղմ դիրքորոշում ունենք, քան շուկան, քանի որ չենք ակնկալում, որ Գերմանիայի բյուջետային փաթեթը կբարձրացնի գնաճը:

«ԱՄՆ ակտիվների (դոլար, պետական պարտատոմսեր) համար ավելի բարձր ռիսկային հավելավճարը կունենա ազդեցություն պորտֆելի կառուցման վրա՝ հաշվի առնելով դրանց ավանդական դերն ակտիվների բաշխման գործընթացում»:

• Զարգացող շուկաների աճի կանխատեսումը փոքր-ինչ բարձրացվել է այս տարվա համար (4.2 տոկոս)՝ համեմատած մեր հուլիսյան կանխատեսումների հետ: Չինաստանի վրա արտաքին ճնշումները որոշակիորեն թուլացել են, ինչը հանգեցրել է աճի մեր կանխատեսման բարձրացմանը՝ մոտ 4.8 տոկոս այս տարվա համար: Թեև սա ավելի մոտ է կառավարության թիրախին՝ մենք ակնկալում ենք, որ դանդաղումը կշարունակվի, քանի որ ներքին պահանջարկը մնում է թույլ: Թրամփի գործարքային մոտեցումը, ներառյալ մաքսատուրքերը, կարող է արագացնել բազմակողմանիության և բազմաբևեռ աշխարհի (օրինակ՝ BRICs) ուղղությամբ շարժը՝ հակառակ նրա հայտարարած նպատակներին: Աճի տեսանկյունից Հնդկաստանն ավելի շատ կախված է ներքին սպառումից, քան արտահանումից: Մենք կարծում ենք, որ ԱՄՆ մաքսատուրքերի բացասական ազդեցությունն աճի վրա մեղմվում է ֆիսկալ միջոցառումներով՝ ներառյալ ապրանքների և ծառայությունների հարկի ռացիոնալացումն ու բարեփոխումները, որոնք կխթանեն ներքին սպառումը: 

• Ֆիսկալ անողջախոհության ռիսկեր՝ զարգացած աշխարհում պարտքերի աճի միտման և ԱՄՆ կորպորատիվ մարժաների վրա մաքսատուրքերի ճնշումների հետևանքով։ Այս փուլում մենք կարծում ենք, որ կորպորատիվ եկամուտների համար ամենակարևորը մաքսատուրքերի ազդեցությունն է կորպորատիվ մարժաների վրա, մասնավորապես՝ թե արդյոք ընկերություններն ի վիճակի են լինելու շարունակել ծախսերի բեռի փոխանցումը՝ խուսափելով մարժաների խաթարումից: Հետևաբար, մենք ուշադիր հետևում ենք ԱՄՆ արտադրական գների և սպառողական գների դինամիկային:

Ամփոփելով՝ զարգացած աշխարհում պարտքերի բարձր մակարդակները, ԱՄՆ ինստիտուտների վրա քաղաքական ճնշումը և Եվրոպայում ավելի ակտիվ քաղաքական գործողությունների իրականացման անհրաժեշտությունը կպահպանեն շուկաների նկատմամբ ուշադրությունը, մինչդեռ զարգացող երկրներում աճի պատկերն ընտրողաբար կբարելավվի: Մենք նաև նկատում ենք ԱՄՆ շուկաների բավականին հանդարտ դիրքորոշումը, որոնք անտեսում են մեր ռադարի վրա գրանցվող ռիսկերը: Այս ֆոնը թույլ է տալիս մեզ պահպանել մեր մեղմ ռիսկային դրական դիրքորոշումը:

Ամունդի ներդրումային ինստիտուտ՝ եկամտաբերության կտրուկ կոր, կորպորատիվ եկամուտների կենտրոնացում

Գնաճի տեմպերի ավելացման ակնկալիքները, ավելի մեծ բյուջետային դեֆիցիտները և ժամկետայնության մեծ հավելավճարը կավելացնեն ճնշումը կորի երկարաժամկետ հատվածի եկամտաբերությունների վրա, մինչդեռ դրամավարկային քաղաքականության մեղմացումը կիջեցնի կարճաժամկետ եկամտաբերությունները: Մենք ակնկալում ենք, որ կորի կտրուկ միտումը կշարունակվի զարգացած շուկաների մեծ մասում, ինչպիսիք են ԱՄՆ-ը, Ճապոնիան և ՄԹ-ն: Եվրոպայում, Գերմանիայի բյուջետային ծախսերի կանխատեսումները և կենսաթոշակային համակարգերի բարեփոխումները, մասնավորապես՝ Նիդերլանդներում, հավանաբար ճնշում կգործադրեն կորի երկարաժամկետ հատվածի վրա: 

ԱՄՆ կորպորատիվ եկամուտները երկրորդ եռամսյակում զգալիորեն ավելի բարձր էին, քան ակնկալվում էր, հիմնականում հաշվի առնելով կապի ծառայությունների և տեղեկատվական տեխնոլոգիաների ոլորտները*: Սա էլ ավելի բարելավվեց շուկաների վիճակը: Առաջ նայելով՝ կարճաժամկետ հեռանկարում մենք կարծում ենք, որ շուկան կուղղորդվի մակրոտնտեսական գործոններով (աշխատաշուկա, սպառում և ԱՄՆ-ում գնաճի հնարավոր կարճաժամկետ խթանում) և դրամավարկային քաղաքականությամբ:

*ԱՄՆ ընկերությունների մոտ 95 տոկոսը հաշվետվություն է ներկայացրել օգոստոսի վերջի դրությամբ: 

«Մենք կարծում ենք, որ բյուջետային դեֆիցիտի վերաբերյալ մտահոգությունները, գնաճի ակնկալիքները և դրամավարկային քաղաքականության մեղմացումը կշարունակեն նպաստել եկամտաբերության կորի կտրուկ միտմանը զարգացած շուկաներում, մասնավորապես՝ ԱՄՆ-ում»:

Մոնիկա Դեֆենդ

Ամունդի ներդրումային ինստիտուտի ղեկավար

Վարկային պայմանները կայուն են, և շուկաները լավ վիճակում են, սակայն սա կարող է փոփոխվել, եթե եկամուտների վերաբերյալ հիասթափություն առաջանա: Մենք պահպանում ենք հավասարակշռված և մեղմ դրական դիրքորոշում ռիսկային ակտիվների նկատմամբ.

• Ֆիքսված եկամտով գործիքներով շուկաներում ուշադրության կենտրոնում են լինելու բյուջետային ծախսերի վերաբերյալ մտահոգությունները, գնաճը և կենտրոնական բանկերի մեղմ քաղաքականությունը: Մենք ընդհանուր առմամբ չեզոք ենք ժամկետայնության նկատմամբ, սակայն տեսնում ենք եկամտաբերության կորի կտրուկ միտման հնարավորություն: Կորպորատիվ վարկերի դեպքում մենք մի փոքր ավելի զգուշավոր ենք եվրոպական բարձր վարկանիշ ունեցող վարկերի նկատմամբ, սակայն դրանք դեռևս գրավիչ են գնահատումների առումով: 

• ԱՄՆ բաժնետոմսերի կենտրոնացման ռիսկերը բարձր են, և տնտեսական միջավայրի ցանկացած թուլություն կարող է սրել տատանողությունը: Հետևաբար, մենք նախընտրում ենք պահպանել բազմազան և գլոբալ մոտեցում՝ հօգուտ Եվրոպայի, ՄԹ-ի և Ճապոնիայի: Մենք նաև հետևում ենք, թե արդյոք այս տարածաշրջաններում տատանողությունը կարող է հնարավորություններ ստեղծել բարձրորակ բաժնետոմսերի ընտրության համար: 

• Զարգացող շուկաներում եկամուտների աճի վերաբերյալ դրական ակնկալիքները և ավելի թույլ դոլարը հնարավորություն են տալիս մեզ պահպանել կառուցողական դիրքորոշում զարգացող շուկաների կառուցվածքային ընթացքի նկատմամբ, չնայած մենք հետևում ենք առևտրային զարգացումներին: Մենք նաև հաստատում ենք, որ յուրահատուկ գործոնները շարունակում են լինել մեր տեսակետների հիմնական հենքը: Մենք դրական ենք տրամադրված Լատինական Ամերիկայի և զարգացող Ասիայի նկատմամբ: Ֆիքսված եկամտով գործիքների դեպքում Դաշնային պահուստի մեղմ քաղաքականությունը և զարգացող շուկաներում ընդհանուր առմամբ վերահսկվող գնաճը մեզ պահում են կառուցողական դիրքորոշման մեջ:

• Խաչաձև ակտիվների հարցում մենք ընդունում ենք գլոբալ տնտեսությունում առկա տարբերակված միջավայրը և, հետևաբար, պահպանում ենք հավասարակշռված մոտեցում՝ աննշան հակված լինելով ռիսկային ակտիվների նկատմամբ, ինչպիսիք են զարգացող շուկաների բաժնետոմսերը: Մյուս կողմից, մենք պահպանում ենք դրական դիրքորոշում պետական պարտատոմսերի և ապրանքատեսակների (օրինակ՝ ոսկու) նկատմամբ:

«Մինչև տարվա ավարտն ակնկալվող գնահատումները,  մաքսատուրքերի հետևանքով հնարավոր ճնշումները մարժաների նկատմամբ և ԱՄՆ տնտեսական աճի հնարավորից ցածր մակարդակը խոչընդոտում են ռիսկային ակտիվների վերաբերյալ մեր դիրքորոշման բարելավմանը»։

ՖԻՔՍՎԱԾ ԵԿԱՄՈՒՏ

Դեֆիցիտի վերաբերյալ մտահոգությունների ֆոնին կորի կտրուկ միտումները

Ամողի Դողսեյ

Ֆիքսված եկամտի գծով ղեկավար

ԱՄՆ-ում կարճաժամկետ գնաճի բարձր ակնկալիքները, ԱՄՆ-ի և ԵՄ-ի ֆիսկալ ծախսերի կանխատեսումները (այսինքն՝ պարտատոմսերի առաջարկի ավելացումը) և դրամավարկային քաղաքականության շարունակական մեղմացումն այն հիմնական թեմաներն են, որոնց վրա կենտրոնանալու ենք միջնաժամկետ հեռանկարում: Այս գործոնները միասին հանգեցրել են եկամտաբերությունների աճի ԱՄՆ-ում, Եվրոպայում, ՄԹ-ում և Ճապոնիայում, հատկապես կորի երկարաժամկետ հատվածում: Բացի այդ, Եվրոպայի որոշ երկրներում կենսաթոշակային համակարգերի բարեփոխումներն էլ ավելի կխթանեն երկարաժամկետ եկամտաբերությունների աճը: 

ՄԹ-ում մենք ուշադրություն ենք դարձնում գնաճին և կառավարության բյուջեին (նոյեմբերին)՝ գնահատելով, թե արդյոք այն կարող է վստահություն ներշնչել շուկաներին, առ այն, որ ֆինանսավորման հետ կապված խնդիրներ չեն առաջանա: Մյուս կողմից, կորպորատիվ սպրեդների շրջանակը նեղ է, սակայն որոշ դեպքերում մենք նկատում ենք բարձր արժեք և գրավիչ եկամտաբերություն, օրինակ՝ եվրոպական բարձրորակ վարկերում:

Ժամկետայնության ու եկամտաբերության կորեր

• Ընդհանուր առմամբ, մենք չեզոք ենք ժամկետայնության նկատմամբ, այդ թվում՝ ԱՄՆ-ում, քանի որ վերադարձելիության հարաբերակցությունը գրավիչ չէ: Սակայն եկամտաբերության կորի կտրուկ միտումը կշարունակվի: 
• ԵՄ-ում նույնպես չեզոք ենք: Մարտավարական առումով մենք մի փոքր զգուշավոր ենք դարձել կենտրոնական երկրների (Գերմանիա և Ֆրանսիա) ժամկետայնության նկատմամբ՝ առաջացող բյուջետային պլանների ֆոնին, սակայն դրական ենք տրամադրված ծայրամասային երկրների պարտատոմսերի (Իտալիա և Իսպանիա) նկատմամբ: 
• ՄԹ-ում եկամտաբերության կորի կտրուկ միտումը գրավիչ է: Սակայն Ճապոնիայում ֆիսկալ վատթարացումը և գնաճը մեզ պահում են զգուշավոր դիրքորոշման մեջ: 

Կորպորատիվ վարկ

• Հաշվի առնելով վերջին սպրեդների շրջանակի նեղացումը, մենք իջեցրել ենք ԵՄ ներդրումային դասի վարկերի նկատմամբ մեր կառուցողական դիրքորոշումը: Այս ակտիվների դասը դեռ առաջարկում է գրավիչ եկամտաբերություն, ինչը մեզ պահում է դրական տրամադրվածության մեջ: Մենք շարունակում ենք նախընտրել բարձր բետա և բանկային հատվածի ընկերությունները, ինչպես նաև միջնաժամկետ մարման ժամկետով գործիքներ (3-7 տարի): 
• ԵՄ բարձր եկամտաբերության վարկերի դեպքում, թեև ընդհանուր առմամբ չեզոք ենք, դրանք դեռ որոշ դեպքերում առաջարկում են բարձր արժեք, մասնավորապես ֆինանսական և հեռահաղորդակցության հատվածներում՝ կարճաժամկետ մարման ժամկետով գործիքներում։

Արտարժույթ

• ԱՄՆ դոլարի նկատմամբ այժմ մոտ ենք չեզոք դիրքորոշմանը՝ նրա կտրուկ անկումից հետո: Այնուամենայնիվ, մենք պնդում ենք, որ Դաշնային պահուստի տոկոսադրույքների իջեցումը և միջազգային կապիտալի հայրենադարձման հնարավորությունը միջնաժամկետ հեռանկարում ճնշում կգործադրեն արժույթի վրա: 
• Հաշվի առնելով EUR/USD-ի մինչ այժմ գրանցված արժևորումը՝ մենք մարտավարական առումով բացասական դիրքորոշում ենք որդեգրել տարածաշրջանային արժույթի նկատմամբ՝ պայմանավորված կենտրոնական երկրներում աճի թույլ դինամիկայով և քաղաքական միջավայրով: 
• Բրիտանական ֆունտի (GBP) նկատմամբ մենք մնում ենք զգուշավոր:

ԲԱԺՆԵՏՈՄՍԵՐ

Դիվերսիֆիկացում կենտրոնացման ռիսկերի ժամանակ

Բարրի Գլավին

Բաժնետոմսերի հարթակի ղեկավար

Չնայած ընթացիկ աշխարհաքաղաքական աղմուկին և քաղաքականության անորոշությանը՝ բաժնետոմսերի գլոբալ շուկաները շարունակում են աճել: Արհեստական բանականության ոլորտներն աջակցում են շուկաներին, մինչդեռ կոշտ տվյալները դեռևս չեն ցույց տալիս մաքսատուրքերի ազդեցության նշաններ: ԱՄՆ-ում կորպորատիվ եկամուտները գերազանցել են ակնկալիքները, սակայն կենտրոնացման ռիսկերն աճում են: Հետևաբար, մենք կողմ ենք ԱՄՆ շուկայից դեպի Եվրոպա և Ճապոնիա շարժվելու միտման շարունակմանը: 

Մենք կարծում ենք, որ Եվրոպան ավելի լավ դիրքերում՝ մաքսատուրքերի հետ կապված որոշ ազդեցություններ մեղմելու առումով՝ հարկաբյուջետային և դրամավարկային քաղաքականությունների միջոցով: Եվրոպան նաև պետք է օգտվի ԵՄ մակարդակով մրցունակությունը բարձրացնելու նպատակով իրականացվող բարեփոխումներից և էներգակիրների գների նվազումից: Շուկաների միջև մենք ակնկալում ենք, որ անկայունությունը կպահպանվի, և մենք նպատակ ունենք օգտվել բարձրորակ բաժնետոմսերի գների թուլությունից: Ընդհանուր առմամբ, մենք պահպանում ենք մեր նախապատվությունը հաշվեկշռի ամրության և առանձնահատկությունների հետ կապված ռիսկերի նկատմամբ:

Գլոբալ պատկերացումներ

• Մենք կարծում ենք, որ ԱՄՆ-ի գնահատումները մտահոգիչ են, և մենք նախընտրում ենք խուսափել թանկ տեխնոլոգիական հատվածներից:  
• Եվրոպայում մենք մնում ենք կառուցողական, հատկապես փոքր և միջին կապիտալիզացիայի ընկերությունների նկատմամբ, հաշվի առնելով նրանց կապը ներքին շուկաների հետ և խոշոր կապիտալիզացիայի ընկերությունների համեմատ գրավիչ գնահատումները: Մենք նաև պահպանում ենք մեր դիրքորոշումը ՄԹ վերաբերյալ՝ գնահատումների և բարձր շահաբաժինների համակցության պատճառով, թեև հետևում ենք երկրում դեֆիցիտի դինամիկային:  
• Ճապոնիայում մենք փնտրում ենք որակյալ միջազգային բիզնեսներ և դրական ենք տրամադրված կորպորատիվ բարեփոխումների պատմության նկատմամբ: Մենք նաև դրական ենք փոքր կապիտալիզացիայի ընկերությունների նկատմամբ՝ հաշվի առնելով նրանց կայուն եկամուտները և գնահատման մակարդակները: 

Ոլորտային ու իրավիճակային պատկերացումներ

• Մենք պահպանում ենք մեր բևեռային պորտֆելի մոտեցումը, նախընտրելով պաշտպանական ընկերությունների շրջանում ներքին շուկաներին կապվածություն և արդյունաբերական ու նյութերի արտադրության ոլորտներում որակյալ շրջափուլային բաժնետոմսեր: 
• ԱՄՆ-ում մաքսատուրքերի ազդեցությունն աճի բաժնետոմսերի վրա մեզ ստիպում է նախընտրել արժեքային հատվածները: Մենք նաև դրական ենք տրամադրված որակյալ ընկերությունների նկատմամբ, որոնք համեմատաբար պաշտպանված են Թրամփի քաղաքականությունների ազդեցությունից: Ֆինանսական հատվածում ընտրված խոշոր կապիտալիզացիայի բանկերը կարող են օգտվել եկամտաբերության կորի կտրուկ միտումից, մեղմ կարգավորող փոփոխություններից և ավելի ցածր հարկերից: 
• Տարվա ավարտից առաջ շուկայի կարճաժամկետ անկայունության դրվագները, ամենայն հավանականությամբ, կդառնան բնորոշ երևույթ: Հետևաբար, մենք դրական ենք տրամադրված ցածր անկայունության գործոնի նկատմամբ: 

ԶԱՐԳԱՑՈՂ ՇՈՒԿԱՆԵՐ

 ԶՇ յուրահատուկ դեպքերը վերադառնում են

Եռլան Սիժդիկով

ԶՇ գծով գլոբալ ղեկավար

Գլոբալ զարգացող շուկաներում նկատվում է երկրին բնորոշ գործոնների վերադարձ: Տնտեսական միջավայրում որոշ բարելավումներ են արձանագրվել (արտաքին ճնշումները թուլացել են, բայց ներքին պահանջարկը դեռևս թույլ է), Չինաստանում և նաև Հնդկաստանում, մինչդեռ Բրազիլիայում և Ինդոնեզիայում քաղաքականությունը կրկին ուշադրության կենտրոնում է: Այնուամենայնիվ, առևտրային անկայունությունը շարունակում է կարևոր գործոն լինել զարգացող շուկաների համար: Հնդկաստանի պես երկրներում ներքին հարկային բարեփոխումները նպաստում են ներքին սպառման աճին, որը տնտեսական աճի հիմնական հենքն է:

Ընդհանուր առմամբ, Դաշնային պահուստի մեղմ դիրքորոշման ֆոնին, գլոբալ ներդրողները կարող են օգտվել զարգացող շուկաների ավելի նկատելի աճից և եկամուտների դրական թափից, ինչը թույլ կտա նրանց դիվերսիֆիկացնել իրենց ներդրումները՝ հեռանալով ԱՄՆ շուկայից: Այնուամենայնիվ, մենք հետևում ենք աշխարհաքաղաքական ռիսկերին և առևտրային զարգացումներին: 

ԶՇ պարտատոմսեր

• ԱՄՆ-ում տոկոսադրույքների նվազումը և նորաստեղծ շուկաներում գնաճի վերահսկվող միջավայրն ընդհանուր առմամբ կառուցողական են ՆՇ պարտատոմսերի համար: 
• Հատկապես դրական ենք տրամադրված Բրազիլիայի, Մեքսիկայի և Պերուի տեղական արժույթով պարտքի նկատմամբ: Մենք նաև դրական ենք տրամադրված Հունգարիայի և Հարավային Աֆրիկայի նկատմամբ, որտեղ իրական եկամտաբերությունները գրավիչ են, և կենտրոնական բանկերի գործողությունները պետք է լինեն աջակցող: 
• Որոշ դեպքերում մենք կառուցողական ենք մոտենում Լատինական Ամերիկայի և Եվրոպայի կոշտ արժույթով պարտատոմսերի նկատմամբ: Մենք գիտակցում ենք, որ գնահատումների չափը փոքրացել է, սակայն կարծում ենք, որ կա լրացուցիչ նվազման հնարավորություն, հատկապես բարձր եկամտաբերության հատվածում: 
• Ասիայում մեր չեզոք դիրքորոշումը Չինաստանի պետական պարտատոմսերի նկատմամբ անփոփոխ է, և մենք կառուցողական ենք Հնդկաստանի նկատմամբ:

ԶՇ բաժնետոմսեր

• Թեպետ մենք ընդունում ենք, որ Չինաստանում տրամադրությունները բարելավվում են, այդուհանդերձ մենք չեզոք ենք մնում՝ հաշվի առնելով շատ ոլորտներում մշտական գերհզորությունների խնդիրը: Մենք ուշադիր հետևում ենք, թե ինչպես է գերմրցակցության դեմ պայքարի կառավարության քաղաքականությունն ազդում կորպորատիվ եկամուտների վրա:  
• Հնդկաստանում գնահատումներն այժմ ավելի գրավիչ են, իսկ եկամուտների աճի ակնկալիքները նույնպես դրական: Մենք կառուցողական ենք մնում կառուցվածքային ընթացքի նկատմամբ, թեև մասնավոր կապիտալ ծախսերի և մաքսատուրքերի շուրջ անորոշությունները շարունակվում են:  
• Տարածաշրջանային առումով մենք կառուցողական ենք Լատինական Ամերիկայի և նորաստեղծ EMEA-ի նկատմամբ: Բրազիլիայում գնահատումները գրավիչ են, սակայն մենք հետևում ենք ֆիսկալ իրավիճակին և մաքսատուրքերի ազդեցությանը:

ԽԱՉԱՁԵՎ ԱԿՏԻՎՆԵՐ

Ռիսկի դիմելու կողմնակից դիրքորոշում՝ դեպի ԶՇ ռոտացիայով 

Ֆրանչեսկո Սանդրինի

Խաչաձեվ ակտիվների ռազմավարության գծով ստորաբաժանման ղեկավար 

Ջոն Օթուլ

Խաչաձեվ ակտիվների ներդրումների գծով լուծումների ստորաբաժանման ղեկավար

«Պահպանելով կառուցողական դիրքորոշում ռիսկի նկատմամբ՝ ներդրողները պետք է ուսումնասիրեն ռոտացիայի հնարավորությունները, օրինակ՝ նորաստեղծ շուկաներում, զարգացող մակրոտնտեսական միջավայրի լույսի ներքո»:

Ամռան ընթացքում ԱՄՆ-ից կամ Եվրոպայից մակրոտնտեսական ծայրահեղ տվյալներ չեն գրանցվել, ինչը թույլ է տվել շուկաներին մնալ համեմատաբար հանգիստ վիճակում: Այնուամենայնիվ, մենք նկատել ենք ԱՄՆ աշխատաշուկայի վատթարացում, նույնիսկ երբ հաստատվել են ԱՄՆ-ի ավելի բարձր մաքսատուրքերը: Այս երկու գործոնները պետք է ճնշեն սպառման վրա․՝ մենք հաստատում ենք ԱՄՆ-ում աճի դանդաղման վերաբերյալ մեր դիրքորոշումը: Մյուս կողմից, դրամավարկային քաղաքականությունը, ամենայն հավանականությամբ, կլինի խթանող ինչպես ԵՄ-ում, այնպես էլ ԱՄՆ-ում: Հետևաբար, մենք մեղմ լավատեսական ենք ռիսկային ակտիվների, այդ թվում՝ ԶՇ-ի նկատմամբ և տեսնում ենք պաշտպանիչ միջոցների անհրաժեշտություն՝ ոսկու (աշխարհաքաղաքական ռիսկեր, ֆիսկալ վատթարացում) և բաժնետոմսերի հեջավորման տեսքով: 

Մենք դրական ենք տրամադրված բաժնետոմսերի նկատմամբ, ներառյալ ԱՄՆ-ում (հավասարակշռված խոշոր և միջին կապիտալիզացիայի ընկերությունների միջև) և մեղմորեն՝ ՄԹ-ում, սակայն մարտավարական առումով իջեցրել ենք Եվրոպայի վերաբերյալ մեր դիրքորոշումը մինչև չեզոք մակարդակ (մաքսատուրքերը կարող են ճնշում ունենալ կորպորատիվ եկամուտների վրա)՝ ԶՇ-ի նկատմամբ մեր տեսակետը բարձրացնելու համար: ԶՇ-ն առաջարկում է շուկաների լայն զամբյուղ, ինչպիսին է Հնդկաստանը, և մենք ավելի դրական ենք տրամադրված նրանց նկատմամբ: Նրանք պետք է օգտվեն թույլ դոլարից և Դաշնային պահուստի մեղմ քաղաքականությունից, որն ամենայն հավանականությամբ շուտով կիջեցնի տոկոսադրույքները: Երկրորդ, թեև մենք դրական ենք Չինաստանի նկատմամբ, մենք մասամբ տեղափոխել ենք մեր դիրքորոշումը Չինաստանից դեպի ավելի լայն ԶՇ: Կարգավորող մարմինների մտահոգությունները երկրում շուկայի կտրուկ աճի վերաբերյալ կարող են հանգեցնել կարճաժամկետ ճշգրտման: 

Մենք ամիսներ շարունակ դրական ենք եղել զարգացած շուկաների պետական պարտատոմսերի նկատմամբ՝ ընդհանուր գնանկման միտումների և կենտրոնական բանկերի մեղմացման ֆոնին: Հաշվի առնելով բյուջետային դեֆիցիտի մտահոգությունները (օրինակ՝ ԱՄՆ-ում), մենք նախընտրում ենք մնալ կորի միջին հատվածներում (5-ամյա): Մենք նաև դրական ենք տրամադրված Եվրոպայի և ՄԹ ժամկետայնության նկատմամբ և դրական ենք գնահատում իտալական պետական պարտատոմսերը: ՄԹ-ում աճը, ամենայն հավանականությամբ, կլինի կոնսենսուսից ցածր, և Անգլիայի բանկի որոշումը պետք է նպաստի Գիլտերի և ԱՄՆ պետական պարտատոմսերի միջև սպրեդի նեղացմանը: Այնուամենայնիվ, ճապոնական պետական պարտատոմսերի նկատմամբ մենք զգուշավոր ենք: ԵՄ ներդրումային դասի և ԶՇ պարտատոմսերի նկատմամբ մեր մեղմ կառուցողական դիրքորոշումը պահպանվում է: Կենտրոնացման աճող ռիսկերի ֆոնին մենք տեսնում ենք ԱՄՆ բաժնետոմսերի պաշտպանության ավելի մեծ անհրաժեշտություն և պահպանում ենք մեր դիրքորոշումն այլ հեջերի վերաբերյալ, եթե ռիսկային ակտիվներում անկայունություն լինի: Արտարժույթի առումով մենք զգուշավոր ենք ԱՄՆ դոլարի նկատմամբ, սակայն դրական ենք նորվեգական կրոնի և ճապոնական յենի նկատմամբ: ԶՇ-ում մենք նախընտրում ենք Լատինական Ամերիկայի արժույթները Չինաստանի յուանի նկատմամբ:

Հեռանկարներ

Ակտիվների դասերի վերաբերյալ Ամունդի դիրքորոշում

ԿԱՐԵՎՈՐ ՏԵՂԵԿՈՒԹՅՈՒՆ

ՄՍՄԿ-ի տեղեկությունները կարող են գործածվել միայն Ձեր ներքին օգտագործման համար, չեն կարող վերարտադրվել կամ վերատարածվել որևէ ձևով և չեն կարող գործածվել որպես որևէ ֆինանսական գործիքի կամ պրոդուկտի կամ գործակցի հիմք կամ դրա բաղադրիչ։ ՄՍՄԿ-ի որևէ տեղեկություն նախատեսված չէ լինելու ներդրումային խորհրդատվություն կամ որևէ տեսակի ներդրումային որոշում կայացնելու (կամ դրանից զերծ մնալու) առաջարկություն, և դրա վրա չի կարելի հիմնվել որպես այդպիսին։ Պատմական տվյալները և վերլուծությունը չպետք է ընկալվեն որպես որևէ հետագա կատարողականի վերլուծության, կանխատեսման կամ կանխագուշակման մասին նշում կամ երաշխիք։ ՄՍՄԿ-ի տեղեկությունները տրամադրվել են «այնպես, ինչպես կա» հիմքով, և սույն տեղեկություններն օգտագործողն ստանձնում է սույն տեղեկությունների ցանկացած օգտագործման բոլոր ռիսկերը։ ՄՍՄԿ-ն, դրա փոխկապակցված անձինք և յուրաքանչյուր անձ, որը ներգրավված է ՄՍՄԿ-ի որևէ տեղեկություն կազմելուն կամ կապված է դրա հետ (միասին «ՄՍՄԿ կողմեր»), սույն տեղեկությունների մասով բացահայտ հրաժարվում է բոլոր երաշխիքներից (այդ թվում, առանց սահմանափակման, բնօրինակության, ճշգրտության, ամբողջականության, ժամանակին լինելու, խախտում չկատարելու, վաճառքի համար պիտանիության և կոնկրետ նպատակին համապատասխանության վերաբերյալ ցանկացած երաշխիքից)։ Չսահմանափակելով վերոնշյալ որևէ դրույթ, ՄՍՄԿ որևէ կողմ որևէ դեպքում չի կրում որևէ պատասխանատվություն որևէ ուղղակի, անուղղակի, հատուկ, պատահական, պատժիչ, հետևանքային (այդ թվում, առանց սահմանափակման, կորցրած շահույթի) կամ որևէ այլ վնասի համար։ (www.mscibarra.com)։ SM արդյունաբերությունների դասակարգման համաշխարհային ստանդարտը (ԱԴՀՍ) մշակվել է «Ստենդրդ ընդ Փուրզ»-ի և ՄՍՄԿ-ի կողմից և դրանց բացառիկ սեփականությունն ու ծառայությունների ապրանքանիշն է։ Ոչ «Ստենդրդ ընդ Փուրզ»-ը, ՄՍՄԿ-ն և ոչ էլ ԱԴՀՍ որևէ դասակարգում մշակելուն կամ կազմելուն ներգրավված որևէ այլ կողմ որևէ բացահայտ կամ ենթադրյալ երաշխիք կամ հավաստիացում չի տալիս այդ ստանդարտի կամ դասակարգման (կամ դրանց օգտագործումից ստացվելիք արդյունքի) վերաբերյալ, և այդ բոլոր կողմերը սույնով բացահայտ հրաժարվում են ցանկացած այդպիսի ստանդարտի կամ դասակարգման առնչությամբ բնօրինակության, ճշգրտության, ամբողջականության, վաճառքի համար պիտանիության կամ կոնկրետ նպատակին համապատասխանության վերաբերյալ ցանկացած երաշխիքից։ Չսահմանափակելով վերոնշյալ որևէ դրույթ, «Ստենդրդ ընդ Փուրզ»-ը, ՄՍՄԿ-ն, դրան որևէ փոխկապակցված անձ կամ ԱԴՀՍ որևէ դասակարգում մշակելուն կամ կազմելուն ներգրավված որևէ երրորդ կողմ որևէ պատասխանատվություն չի կրում որևէ ուղղակի, անուղղակի, հատուկ, պատժիչ, հետևանքային կամ որևէ այլ վնասի (այդ թվում՝ կորցրած շահույթի) համար, նույնիսկ եթե ծանուցվել է այդ վնասների հնարավոր լինելու մասին։

Սույն փաստաթուղթն ունի միայն տեղեկատվական նպատակներ: Սույն փաստաթուղթը վաճառքի առաջարկ, գնման առաջարկի հրավեր կամ որևէ արժեթղթի կամ որևէ այլ պրոդուկտի կամ ծառայության առաջարկություն չէ։ Ցանկացած արժեթուղթ, պրոդուկտ կամ ծառայություն, որին հղում է կատարվում, չի կարող Ձեր պետությունում համապատասխան մարմնում գրանցվել վաճառքի համար և չի կարող Ձեր պետությունում կարգավորվել կամ վերահսկվել որևէ պետական կամ համանման մարմնի կողմից։ Սույն փաստաթղթում պարունակվող ցանկացած տեղեկություն կարող է օգտագործվել միայն Ձեր ներքին օգտագործման համար, չի կարող վերարտադրվել կամ վերատարածվել որևէ ձևով և չի կարող օգտագործվել որպես որևէ ֆինանսական գործիքի կամ պրոդուկտի կամ գործակցի հիմք կամ դրա բաղադրիչ։ Ավելին, սույն փաստաթղթում պարունակվող ոչինչ նախատեսված չէ հարկային, իրավական կամ ներդրումային խորհրդատվություն տրամադրելու համար։ Եթե այլ բան նշված չէ, ապա սույն փաստաթղթում պարունակվող բոլոր տեղեկություններն ստացված են «Ամունդի ասեթ մենեջմենթ ԷսԱԷս» ընկերությունից և 2024 թվականի սեպտեմբերի 5-ի դրությամբ են։ Բազմազանեցումը եկամուտ չի երաշխավորում կամ չի պաշտպանում կորստից։ Սույն փաստաթուղթը տրամադրվել է «այնպես, ինչպես կա» հիմքով, և սույն տեղեկություններն օգտագործողն ստանձնում է սույն տեղեկությունների ցանկացած օգտագործման բոլոր ռիսկերը։ Պատմական տվյալները և վերլուծությունը չպետք է ընկալվեն որպես որևէ հետագա կատարողականի վերլուծության, կանխատեսման կամ կանխագուշակման մասին նշում կամ երաշխիք։ Շուկայի և շուկայի միտումների վերաբերյալ արտահայտված տեսակետները հեղինակի տեսակետներն են և պարտադիր չէ, որ լինեն «Ամունդի ասեթ մենեջմենթ ԷսԱԷս» ընկերության տեսակետներ ու ցանկացած պահի ենթակա են շուկայի և այլ պայմանների հիման վրա փոփոխության, և չեն կարող լինել հավաստիացումներ առ այն, որ երկրները, շուկաները կամ ոլորտները կհամապատասխանեն ակնկալիքներին։ Սույն տեսակետները պետք չէ հիմք ընդունել որպես ներդրումային խորհրդատվություն, արժեթղթի առաջարկություն կամ «Ամունդի» ընկերության որևէ պրոդուկտի առքուվաճառքի մասին նշում։ Ներդրումը ներառում է ռիսկեր, այդ թվում՝ շուկայական, քաղաքական, իրացվելիության և արժույթի հետ կապված ռիսկեր։ Ավելին, «Ամունդին» որևէ դեպքում չի կրում որևէ պատասխանատվություն դրա հետևանքով առաջացած որևէ ուղղակի, անուղղակի, հատուկ, պատահական, պատժիչ, հետևանքային (այդ թվում, առանց սահմանափակման, կորցրած շահույթի) կամ որևէ այլ վնասի համար։

Առաջին օգտագործման ամսաթիվը՝ 2025թ սեպտեմբերի 7։ Փաստաթուղթ ID՝ 4285688

Փաստաթուղթը տրամադրվել է «Ամունդի ասեթ մենեջմենթ»՝ «société par actions simplifiée- ԷսԱԷս» ընկերության կողմից, որն ունի €1,143,615,555 կապիտալ ․ Պորտֆելային կառավարիչը կարգավորվում է AMF-ի (Ֆինանսական շուկաների կարգավորող մարմնի) կողմից՝ GP04000036 համարի ներքո․ Գլխավոր գրասենյակ՝ Պաստյուղ ճեմուղի 91-93, Փարիզ 75015, Ֆրանսիա․ 437 574։ www.amundi.com.