Շուկայի վերաբերյալ ակնկալիքների մասով իրական վիճակի ստուգումների ամառ

Ամռան ընթացքում շուկայում տեղի ունեցած շարժը հիշեցում է ծառայել առ այն, որ բարձր գնահատումների ժամանակ կորպորատիվ եկամուտների կամ դրամավարկային քաղաքականության վերաբերյալ ակնկալիքների ցանկացած անհամապատասխանություն և աճի վերաբերյալ ցանկացած վախ կարող է լինել անակնկալ անկումների պատճառ։ Թեև հիմնական շուկաների մեծ մասն օգոստոսի սկզբին նկատված տատանումներից Դաշնային պահուստային համակարգի՝ միջամտելու վերաբերյալ նշանների շնորհիվ վերականգնվել է, չենք կարող անտեսել այն փաստը, որ որոշ հատվածներ դեռևս գերագնահատված են։ Դա վկայում է, որ կորպորատիվ եկամուտները և քաղաքականության մասով գործողությունները, հատկապես՝ գնաճի մեղմացմանը զուգընթաց, էլ ավելի շատ են գտնվում ուշադրության կենտրոնում  և ԱՄՆ ընտրությունների շուրջ աղմուկն ավելի է մեծանում։

• ԱՄՆ-ում հաստատվել է գործակիցների սահուն նվազման, առանց սուր անկման սցենարը։ Դանդաղող տեմպերով, սակայն չփլուզվող աշխատաշուկաները և ֆիքսված ներդրումների ցածր ցուցանիշը բոլորն էլ արտացոլում են չափավոր դանդաղեցումը։ ՄԹ-ի դեպքում մենք այս տարվա աճի կանխատեսումները փոքր-ինչ թարմացրել ենք, սակայն դեռևս առկա են հարցեր ներքին պահանջարկի վերաբերյալ։

• ԱՄՆ-ում և Եվրոպայում հաստատվել է գնաճի տեմպերի նվազման միտում։ Աշխատուժի միավոր ծախսերի և զբաղվածության ապահովման ծախսերի ցուցիչի նվազման հետևանքով մենք վերանայել և նվազեցրել ենք ԱՄՆ-ի սպառողական գների 2024 թվականի 4-րդ եռամսյակի գնաճի ընդհանուր մակարդակի վերաբերյալ մեր կանխատեսումները։ Աշխատանքային արտադրողականության բարելավումը պետք է նաև խթանի գնաճի տեմպերի նվազումը։ Եվրոպայում գնաճի տեմպի նվազումը կապված է ծառայությունների գնաճի հետ, որը կարող է հաստատուն լինել։

• Կենտրոնական բանկի տարաձայնությունների փուլը հնարավոր է, որ ավարտին է մոտենում, և այստեղ Ճապոնիան խիստ առանձնացող նշանակություն ունի։ Մենք տարվա մնացած մասի համար ակնկալում ենք տոկոսադրույքի երեք կետով նվազեցում Դաշնային պահուստային համակարգից և երեքական նվազեցում ԵԿԲ-ից և Անգլիայի բանկից։

• Չինաստանը կանգնած է վերականգնման բարդ ճանապարհի առջև։ Բնակարանային շուկաներին տրամադրվող աջակցությունը կարճ կյանք ունեցավ, քանի որ աշխատանքային շուկաների վիճակը վատթարացավ։ Կորպորատիվ շահութաբերության վրա ազդում է սպառողների վստահության նվազեցումը։

Շուկաները հավանաբար կարճաժամկետ ընթացքում կմնան տատանվող, առանց որևէ խիստ ուղղվածության։ Այնուամենայնիվ, առկա են արժեքավոր ոլորտներ, որոնք պետք է ուսումնասիրվեն մի շարք ակտիվների համար․

• Ակտիվներում Խաչաձև ներդրումներ։ ԱՄՆ-ի տնտեսության մեղմ դանդաղումը, Եվրոպայում աճի խոցելիությունը և գերագնահատված արժեքները մի քանի հատվածներում ռիսկին խելամիտ հարմարեցման անհրաժեշտություն են առաջացնում, սակայն ոչ կառուցվածքային ռիսկերի վերացում։ Ըստ այդմ, մենք մարտավարական առումով նվազեցրել ենք մեր դիրքորոշումն ԱՄՆ-ի, Եվրոպայի փոքր կապիտալիզացում ունեցող ընկերությունների և ՆՇ-ների վերաբերյալ։ Մենք շարունակում ենք ընդհանուր առմամբ փոքր-ինչ դրական կարծիք ունենալ ՄԹ-ում և Ճապոնիայում սեփական կապիտալի հարցում։ Թեև մենք շարունակում ենք այլ հատվածների առնչությամբ լավատես լինել ՆՇ պարտքի հարցում, մենք կարծում ենք, որ ԱՄՆ ընտրությունների շուրջ տատանումները կարող են ազդեցություն գործել որոշ արժույթների և տեղական պարտքերի վրա։ ԱՄՆ գանձապետական արժեթղթերը և եվրոպական պարտատոմսերը շարունակում են գրավիչ եկամտաբերություն առաջարկել, սակայն ներդրողները պետք է դիտարկեն երաշխիքներն ավելացնելու հարցը։ Աշխարհաքաղաքական լարվածությունները և ոսկու՝ անվտանգ միջավայրի գրավչությունը մեզ մղում է շարունակել դրական լինել մետաղների հարցում։

• Ամառվա ընթացքում կատարված կտրուկ տեղաշարժերը վկայում են տևողության վերաբերյալ ճկուն/ակտիվ դիրքորոշման կոչի մասին։ Մենք երկարաժամկետ կտրվածքով դրական են ԱՄՆ գանձապետական արժեթղթերի հարցում, սակայն մենք մարտավարական առումով մեր դիրքորոշումը փոքր-ինչ նվազեցրել ենք։ Մենք կարծում ենք, որ կորի անբարենպաստ վիճակն (2Տ) այժմ թանկ է արժենում, սակայն դեռևս արժեք ունի միջնաժամկետ հատվածներում։ Եվրոպայի հիմնական մասում մեր կառուցողական դիրքորոշումը պահպանվում է, սակայն մենք ՄԹ-ի վերաբերյալ այն նվազեցրել ենք մինչև չեզոքի։ Մյուս հատվածներում ԱՄՆ-ի արժեթղթավորված շուկան գրավիչ տեսք ունի, սակայն մենք ընտրողական ենք։ Մեզ դուր են գալիս ԱԱԱՇ-ները և կարծում ենք, որ հաշտարար Դաշնային պահուստային համակարգն աջակցում է պետական հիփոթեքով ապահովված արժեթղթերի տարածմանը։ Կորպորատիվ վարկը հնարավորություններ է տալիս, և մենք ՆԴ պարտատոմսերը նախընտրում են ԲԵ պարտատոմսերից և՛ ԱՄՆ-ում, և՛ Եվրոպայում։

• Շարունակել հավասարակշռված վիճակը և սպեկուլյացիա անել շուկայի անկանոնությունների պայմաններում։ Օգոստոսի սկզբին տեղի ունեցած շուկայի կոնյուկտուրայի լարվածությունը նպաստել է ԱՄՆ-ի մեծ կապիտալիզացում ունեցող հատվածներից դուրս մակարդակի վերականգնման ընդլայնմանը։ Մենք կարծում ենք, որ այդ հատվածներից դուրս եկամուտների վերականգնմանը զուգընթաց հավանական է, որ տեղի ունենա ընդլայնում, սակայն այն չի կարող գծային լինել։ Ըստ այդմ, մենք շարունակում ենք զգուշավոր լինել հնչեղ անուններ ունեցող ընկերությունների, ԱՄՆ աճի և մեծ կապիտալիզացում ունեցող հատվածների հարցում։ Ի հակադրություն, մենք կողմ ենք հավասարակշիռ մոտեցմանը և ԱՄՆ արժեքին։ Եվրոպայում, որտեղ արժեքներն ավելի ցածր են, մենք շարունակում ենք հավասարակշռված լինել ցիկլային արդյունաբերությունների և պաշտպանական միջոցների վերաբերյալ դրական դիրքորոշումներով։

• Առաջացող շուկաների աճը շարունակում է ամուր հիմքերի վրա լինել, սակայն մոտակա ժամկետների կտրվածքով կարող են ճնշումներ լինել պաշտպանողականության կողմից՝ հաշվի առնելով ԱՄՆ ընտրությունները։ Մենք շարունակում ենք շրջահայաց լինել Չինաստանի հարցում, թեև կառավարությունն ընտրողական ջանքեր է գործադրում՝ անշարժ գույքի շուկան խթանելու համար։ Փոխարենը, մեզ դուր է գալիս այնպիսի շուկաների սեփական կապիտալը, ինչպիսիք են Ինդոնեզիան, Հնդկաստանը և Բրազիլիան։ ՆՇ պարտքի հարցում ֆինանսավորման արժեքն առողջ է, սակայն մենք ընտրողական ենք և դիտանցում ենք տեղական արժույթով պարտքի ցանկացած խոչընդոտի նկատմամբ։

Երեք արդիական հարց

Մոնիկա Դեֆենդ, Ամունդի Ներդրումային Ինստիտուտի ղեկավար․

«Դաշնային գանձապետական ծառայությունը կարծես թե չի վախենում գնաճից և առավել կենտրոնացած է աշխատաշուկաների պայմանների վատթարացումը կանխելու վրա։ Դա մեզ հնարավորություն է տալիս այս տարի մեր տոկոսադրույքների կրճատումը բարձրացնել երկուսից մինչև երեք»: 

1․ Ձեր կարծիքով կենտրոնական բանկի քաղաքականություններն ինչպե՞ս կզարգանան այս տարի։

Ավելի վաղ մատնանշել էինք կենտրոնական բանկերի քաղաքականությունների միջև առկա ժամանակային տարբերությունները։ Այժմ մենք նկատում ենք, որ այդ տարբերությունները վերանում են։ Մենք ակնկալում ենք ընդհանուր առումով երեք տոկոսադրույքի նվազեցում (յուրաքանչյուրը 25 բկ) Դաշնային պահուստային համակարգից և երեքական նվազեցում ԵԿԲ-ից և ԱԲ-ից՝ ի հավելումն արդեն իսկ կատարված տոկոսադրույքների նվազեցումների։ Թեև շուկաները փոքր-ինչ ավելին են ներդնում, քան Դաշնային պահուստային համակարգի կողմից չորս նվազեցումները, մենք կարծում ենք, որ դա նույնպես հաշտարար բնույթ ունի և կարող է հարցականի տակ դրվել, եթե գնաճի վերջին փուլը հաստատուն լինի։ Եվրագոտում աշխատավարձի դանդաղող աճը և գնաճը հիմնավորում են ԵԿԲ-ի կողմից մեղմացնող միջոցների կիրառումը։ Այնուամենայնիվ, ՃԲ-ն բացառություն է։ Հավանական է, որ այն մինչև հետագա որոշումներ կայացնելը դիտարկի աշխատավարձերի աճը, գնաճը և ֆինանսական շուկայի կայունությունը։ Մենք կարծում ենք, որ բանկը պետք է զերծ մնա այս տարի տոկոսադրույքները բարձրացնելուց, սակայն մենք ակնկալում ենք դրանց բարձրացում 2025 թվականի երկրորդ եռամսյակում։

Կենտրոնական բանկի տոկոսադրույքի վերաբերյալ կանխատեսումներ․

• Տարեվերջյան կանխատեսումներ․ Դաշնային պահուստային համակարգ (վերին շեմ)՝ 4.75%, ԵԿԲ՝ (ավանդների տոկոսադրույք) 3.00% և ՃԲ՝ 0.25%։

2․ Ի՞նչ կարծիք ունեք ԱՄՆ տնտեսության և աշխատաշուկայի վերաբերյալ։

ԱՄՆ տնտեսական ակտիվության մասին շատ բան է ասվում։ Մեր տեսակետն ամառվա ընթացքում չի փոխվել, և մենք դեռևս կարծում ենք, որ այս փուլում սուր անկումը հավանական չէ։ Այնուամենայնիվ, մենք տեսնում ենք չափավոր դանդաղում, որը կենտրոնացած է տարվա երկրորդ կեսում, աշխատաշուկաների դիրքի թուլացումը շարունակվելուն զուգընթաց։ Աշխատաշուկաներն ԱՄՆ սպառման և տնտեսական աճի գնահատման առանցքային փոփոխականն են։ Այս փուլում մշտական կրճատումները, որոնք մեր կարծիքով հատկապես կարևոր են, հսկողության ներքո են։ Ընդհանուր առմամբ, իրական ՀՆԱ-ի մասով մեր 2024 թվականի ակնկալիքներն անփոփոխ են նախորդ տարվա համեմատությամբ 2.5%։ Գնաճի մասով հավանական է, որ կայուն վարընթաց հետագիծը պահպանվի:

Ներդրումների հետևանքները․

• ԱՄՆ սեփական կապիտալի մասով չեզոքին մոտ:
• Եվրո/ԱՄՆ դոլար․ 1.15 2025 թվականի 2-րդ  քառորդի համար:

3․ Ձեր կարծիքով ոսկու գները կշարունակե՞ն ունենալ այն նույն վերընթաց     հետագիծը, որը դիտվել է այս տարվա ընթացքում մինչ այժմ:

Թույլ դոլարի, աշխարհաքաղաքական լարվածությունների և Դաշնային գանձապետական համակարգի կողմից դրամավարկային քաղաքականության հակադարձման ակնկալիքների արդյունքում ոսկու գները աճել են։ Բացի այդ, երկարաժամկետ տեսանկյունից հարկաբյուջետային բարձիթողի վիճակը և ավելացող պետական պարտքը կարող են ճնշում գործադրել պաշտոնական արժույթների վրա, ինչը բարձրացնում է ոսկու՝ որպես արժեքի պահեստ գրավչությունը։ Ըստ այդմ, մենք շարունակում են դրական լինել արժեքավոր մետաղի հարցում։ Պղնձի առնչությամբ, տնտեսական ակտիվությունը պակաս կարևոր է ցիկլային սպառողական ապրանքների համար, քան Դաշնային գանձապետական համակարգի կողմից դրամավարկային քաղաքականության հակադարձումը։ Սակայն գլոբալ աճի դանդաղման և Չինաստանի պահանջարկի մասով անորոշության մեծ մասը կարծես թե արդեն իսկ արտացոլված է այնպիսի սպառողական ապրանքների գնում, ինչպիսին է պղինձը։ Այսպիսով, մենք փոքր-ինչ կառուցողական դիրքորոշում ենք պահպանում

Ներդրումների հետևանքները․

• 12-ամսյա թիրախը․ Պղինձ` $10000/տոննա, Ոսկին փոքր-ինչ թարմացվել է՝ մինչև $2,700/ունցիայի:

ԱԿՏԻՎՆԵՐՈՒՄ ԽԱՉԱՁԵՎ ՆԵՐԴՐՈՒՄՆԵՐ

Վերագնահատել ռիսկերը՝ ծանծաղ ջրերում շուկաների նավարկմանը զուգընթաց

Ֆրանչեսկո Սանդրինի

Ակտիվենրում Խաչաձև Ներդրումների Ռազմավարությունների Գծով ղեկավար

Ջոն Օ՛թուլ 

Ակտիվենրում Խաչաձև Ներդրումների Լուծումների Գծով ղեկավար

«Ամառվա ընթացքում դիտված տատանողականությունը մեզ հնարավորություն է տվել փոխելու ռիսկերի կառավարման նպատակներով մեր դիրքորոշումը սեփական կապիտալի վերաբերյալ, քանի որ մենք ակնկալում ենք առավել մեծ հստակություն տնտեսական ուղղության հարցում»։

Շուկաներն իրենց կենտրոնացումը տեղափոխում են տնտեսական աճի վրա, քանի որ գնաճը շարունակում է անկում ապրել։ Այդ տեղափոխման հիմնական պատճառը կարծես թե թուլացող սպառումն է, որն այժմ տարածվում է տնտեսության առավել լայն հատվածների վրա։ ԵԳ-ում հիմնական թեման բազմարագ վերականգնումն է՝ երկրներում տարբերությունների առկայությամբ։ Բացի այդ, հարկաբյուջետային քաղաքականությունները կարող են միջնաժամկետ կտրվածքով աճը կարող են արգելակել։ Միասին այդ գործոններն առավել շրջահայաց դիրքորոշման և կառուցվածքային ռիսկերի վերացման փոխարեն ռիսկերի մարտավարական, աստիճանական նվազեցման անհրաժեշտություն են առաջացնում։ Ընդհանուր առմամբ, մենք փոքր-ինչ դրական ենք ռիսկային ակտիվների առումով և շարունակում ենք բազմազանեցված մոտեցում ունենալ։

Օգոստոսի սկզբին տեղի ունեցած տատանման կտրուկ աճը հանգեցրել է նրան, որ մենք աճի անորոշ միջավայրի և իդիոսինկրատիկ  ռիսկերը նվազագույնի հասցնելու անհրաժեշտության հետևանքով վարընթաց վերանայենք սեփական կապիտալի վերաբերյալ մեր տեսակետները, հիմնականում ԱՄՆ-ի, Եվրոպայի փոքր կապիտալիզացում ունեցող ընկերությունների և ՆՇ բաժնետոմսերի զամբյուղի միջոցով։ Մենք շարունակում ենք զգոն լինել մոտակա ժամկետում ցանկացած խոչընդոտի առաջացման հարցում։ Մենք շարունակում ենք փոքր-ինչ կառուցողական լինել ՄԹ-ում և Ճապոնիայում ԶՇ-ի հարցում։ Առաջինում գրավիչ արժեվորումներ, շահաբաժինների մեծ պոտենցիալ է նկատվում, և պետք է օգուտ ստանա Անգլիայի բանկի կողմից քաղաքականության մեղմացումից։ Ճապոնիան, որն ավելի վաղ վնաս է կրել կտրուկ տատանողականությունից, երկարաժամկետ խաղացող է, որը բազմազանեցում է առաջարկում։

Նվազող գնաճը պետք է Դաշնային գանձապետական համակարգին և ԵԿԲ-ին խրախուսի կրճատելու տոկոսադրույքները, և դա մեզ հնարավորություն է տվել պահպանելու մեր դրական տեսակետները ԱՄՆ-ի և Եվրոպայի հիմնական մասում տևողության վերաբերյալ։ Մենք շարունակում ենք զգոն լինել եկամտաբերության վերջին տեղաշարժերից հետո և զգուշավոր ենք ցանկացած հնարավոր հարկաբյուջետային ռիսկի նկատմամբ։ Մենք նաև դրական ենք Իտալիայի ԻՊՊ-երի առնչությամբ, քանի որ դրանք պետք է օգուտ ստանան Եվրոպայի հիմնական մասում եկամտաբերության ավելի ցածր մակարդակի անցումից։ Ասիայում մեր զգուշավոր դիրքորոշումը Ճապոնիայի պարտատոմսերի վերաբերյալ պահպանվում է, քանի որ մենք ակնկալում ենք, որ եկամտաբերությունը կբարձրանա այն բանից հետո, երբ ՃԲ-ն պակաս հաշտարար է դարձել։

ԵՄ-ի ՆԴ կորպորատիվ վարկի հիմնահարցերը կայուն են, պահանջարկը մեծ է, իսկ եկամտաբերությունը գրավիչ է։ Դա ստիպում է, որ մենք կառուցողական լինենք այդ հատվածի առնչությամբ։ Մեզ դուր է գալիս ՆՇ պարտատոմսերի առաջարկած ֆինանսավորման արժեքը, սակայն մենք զգուշավոր ենք դարձել տեղական պարտատոմսերի ԱԱՇ բաղադրիչի նկատմամբ։ Աշխարհաքաղաքական ռիսկերը և Դաշնային գանձապետական համակարգի առավել բարձր և առավել երկար ժամկետով տոկոսադրույքները կարող են բացասաբար ազդել մի քանի արժույթների վրա։ Այնուամենայնիվ, մենք շարունակում են արժեքավոր համարել բրազիլական ռեալ/եվրո հարաբերակցությունը Բրազիլիայում դրական մակրոանկման համար և հնդկական ռուփի/չինական յուան հարաբերակցությունը դրա ֆինանսավորման արժեքի և կայունության համար։  ԱՄՆ դոլարը պետք է մոտակա ժամկետում լավ դիրք ունենա շվեդական կրոնի և շվեյցարական ֆրանկի համեմատությամբ, քանի որ այդ կենտրոնական բանկերն արդեն իսկ սկսել են դրամավարկային քաղաքականությունը մեղմացնելու փուլ։

Վերջապես, պահպանվում է աշխարհաքաղաքական լարվածությունից պաշտպանելու հարցում ոսկու գրավչությունը՝ պայմանավորված դրա նկատմամբ մեծ պահանջարկով։ Ներդրողները նաև կարող են դիտարկել ԱՄՆ-ում տևողության նկատմամբ սահմանափակումները վերացնելու և սեփական կապիտալի մասով երաշխիքները պահպանելու հարցը՝ ավելի մեծ եկամտաբերությունից պաշտպանելու համար։

ՖԻՔՍՎԱԾ ԵԿԱՄՈՒՏ

Այս փուլում տևողության ճկունությունը խիստ կարևոր է

Ամորի Դ՛օրսեյ 

Ֆիքսված Եկամուտների Գծով Ղեկավար

Երլան Ժդիկով

Առաջացող Շուկաների Գլոբալ Զարգացման Հարցերով Տնօրեն

Մարկո Պիրոնդինի

ԱՄՆ Ներդրումների Կառավարման Գծով ԳՆՏ

Հիմնականում գնաճի մասով շարունակական առաջընթացի հետևանքով Դաշնային գանձապետական համակարգի վերահաստատումները, արված նախագահ Ջերոում Փաուելի կողմից, փոխել են շուկայի ուշադրությունը դեպի աշխատաշուկաները և տնտեսական աճը։ Թեև նկատում ենք աշխատաշուկաների դանդաղման նշաններ, որոնք կխրախուսեին Դաշնային գանձապետական համակարգի կողմից տոկոսադրույքների նվազեցումը, այդ դրամավարկային քաղաքականության մեղմացման մեծ մասն արդեն իսկ արտացոլված է շուկաներում առկա գներում։ Եվրոպայում պատմությունը համանման է այն առումով, որ գնաճն անկում է ապրում, սակայն որոշ բաղադրիչներ, ինչպիսիք են ծառայությունները, հաստատուն են։ Արդյունքում, կենտրոնական բանկի կողմից դրամավարկային քաղաքականության մեղմացման ծավալը փաստացի կախված կլինի մակրոտվյալներից։ Ուստի, մենք կարծում ենք, որ կարևոր է, որ ներդրողները ճկուն լինեն տևողության հարցում, որպեսզի հաշվի առնեն շուկայի տեղաշարժերը, և նրանք պետք է պահպանեն իրենց երկարաժամկետ համոզմունքները։ Վարկերի առումով ԶՇ-ներում և ՆՇ-ներում կարող է ուսումնասիրվել որակը՝ բարձր ֆինանսավորման արժեքից օգուտ ստանալու համար։

Ֆիքսված եկամուտը գլոբալ և Եվրոպայում

• Մինչև ամառը մենք կառուցողական փոփոխություն ենք կատարել տևողության վերաբերյալ։ Թեև եկամտաբերությունը նվազել է, մենք կարծում ենք, որ տևողությունը դեռևս գրավիչ է, և առկա են տարածաշրջանային տարբերություններ։
• Մենք դրական ենք Եվրոպայի հիմնական մասի հարցում, սակայն մարտավարական առումով չեզոք ենք դարձել ՄԹ-ի հարցում և զգոն ենք աճի մասով ցանկացած անակնկալի հարցում։ Մենք պահպանում ենք կորը մեծացնող մեր տեսակետներն ԱՄՆ-ի վերաբերյալ։
• Ֆինանսավորման արժեքը գրավիչ է վարկերի մասով, սակայն մենք նախընտրում ենք եվրոյով ֆինանսական գործունեության ցուցանիշները և ՆԴ պարտատոմսերը ԲԵ պարտատոմսերից։

ԱՄՆ-ի ֆիքսված եկամուտը

• Մենք շարունակում ենք ակտիվ և մի փոքր դրական լինել ԱՄՆԳ-ի հարցում, սակայն մարտավարական առումով մեր դիրքորոշումը նվազեցրել ենք, քանի որ կարծում ենք, որ կորի որոշ հատվածներ թանկարժեք են դարձել։ Մասնավորապես, կորի միջին մասը մեծ ռիսկ/պարգևատրում է առաջարկում։
• Վարկային առումով մենք պահպանում ենք մեր որակի հետ կապված աղավաղումը, ինչպես նաև ընտրողական հնարավորություններ ենք տեսնում նոր խնդիրներում, որոնց ռիսկերը սխալ են գնահատված։
• Արժեթղթավորված շուկաներում գրավիչ տեսք ունեն որոշ պետական ՀԱԱ-ներ և ԱԱԱՇ-ներ։

ԱՇ պարտատոմսեր

• Դաշնային գանձապետական համակարգի քաղաքականությունը, ԱՄՆ դոլարը և ԱՄՆ ընտրություններն ՆՇ-ի պարտքի վրա ազդող հիմնական գլոբալ գործոններն ենք, որոնք սերտորեն դիտանցում ենք։ Թեև տեսնում ենք, որ Դաշնային գանձապետական համակարգը քաղաքականությունը մեղմացնում է ակտիվների որոշ դասերի համար բարենպաստ դարձնելով, առկա են երկրին բնորոշ ռիսկեր, որոնք մեզ ընտրողական լինելու հնարավորություն տալիս։
• Լատինական Ամերիկայում մեզ դուր են գալիս Բրազիլիան և Պերուն, իսկ Հարավային Աֆրիկայում դանդաղող գնաճը դրական երևույթ է։
• Մյուս երկրներում մենք փոքր-ինչ կրճատել ենք մեր կառուցողական տեսակետը Թուրքիայի (գնաճ) վերաբերյալ, սակայն գրավիչ մակարդակներ ենք ակնկալում՝ հետագայում մեր դիրքորոշումը բարձրացնելու համար։

ՍԵՓԱԿԱՆ ԿԱՊԻՏԱԼ

Սպեկուլյացիա անել հիմնադրույթների արդյունքում առաջացած՝ շուկայի անկանոնությունների պայմաններում

Բերի Գլեվին

Սեփական Կապիտալի Հարթակի Ղեկավար

Երլան Ժդիկով

Առաջացող Շուկաների Գլոբալ Զարգացման Հարցերով Տնօրեն

Մարկո Պիրոնդինի

ԱՄՆ Ներդրումների Կառավարման Գծով Տնօրեն

Օգոստոսին տեղի ունեցած խառնաշփոթը, որը սկսվեց ԱՄՆ-ի որոշ տեխնոլոգիական ընկերությունների եկամուտների մասով բացասական անակնկալներից հետո, այնուհետև էլ ավելի խորացավ թույլ մակրոտվյալների հետևանքով։ Մենք բավականին երկար ժամանակ է, որ ասում ենք, որ առկա է երկիմաստություն առ այն, թե արդյոք ընկերությունները կարող են իրեն ԱԲ-ի հետ կապված ներդրումներն արագ վերափոխել եկամուտների կայուն աճի։ Այժմ շուկաները կարծես թե նույնպես այդ հարցն են տալիս, քանի որ որոշ անկյուններում գնահատումները թույլ մակրոդինամիկայի հետ միասին դեռևս մտահոգություն են առաջացնում։ Նույնիսկ ԵԳ-ում, որտեղ տնտեսության վերականգնումը դեպի վեր է շարժվում դեպի իր պոտենցիալը, ուղին խոցելի է և կախված արտահանումներից։ Այս միջավայրում այնպիսի հիմնահարցերը, ինչպիսիք են եկամուտները և հաշվեկշռի ցուցանիշների կայունությունը, էլ ավելի կարևոր են դառնում։ Մենք կարծում ենք, որ ներդրողները պետք է կարգավորեն շուկայի անհամաչափությունները՝ առավելություն տալով այնպիսի հատվածների, ինչպիսիք են ԱՄՆ-ի հավասարակշռված շուկային, արժեքի և նորաստեղծ շուկաներին։

Եվրոպայի սեփական կապիտալը

• Թեև մենք օգտվել ենք շուկայի տեղաշարժերից, մեր հավասարակշռված տեսակետը պահպանվել է։ Դա հիմնականում էժան պաշտպանական միջոցների և որակյալ ցիկլային արդյունաբերությունների միջոցով է տեղի ունեցել։
• Մենք դրական ենք հիմնական ոլորտների և առողջապահության հարցում, սակայն զգուշավոր ենք տեխնոլոգիաների հարցում։ Վերջերս նկատված խոչընդոտները կարող են հնարավորություններ բացել տեխնոլոգիական խորհրդատվության ոլորտում։
• Վերջերս գրանցված եկամուտները բարձր են եղել, սակայն արտահանմանը միտված ոլորտներում, ինչպիսին են պերճանքի ապրանքներ, Չինաստանում առկա թույլ վիճակն ակնհայտ է դառնում։

ԱՄՆ և գլոբալ սեփական կապիտալ

• Շուկայի առավելագույն կշռված գործակիցների և ավելի լայն շուկաների միջև բացը հսկայական է։ Մենք կարծում ենք, որ վճարունակության հետ կապված վախի առկայության դեպքում ավելի շատ կտուժեն շուկայի ամենաթանկարժեք բաժնետոմսերը։
• ՄԲՇ-ի աճը լայն շուկաներում հավանական է, որ կբարելավվի, և կարող է աջակցել մեծ կապիտալիզացում ունեցող հատվածներից/ԱԲ-ով պայմանավորված հատվածներից դուրս աշխուժացման մեծացմանը։
• Մենք շարունակում ենք հավասարակշռված, դրական լինել ֆինանսական գործունեության ցուցանիշների (խոշոր բանկեր) և ապրանքանյութային արժեքների հարցում, ինչպես նաև պաշտպանական միջոցների հարցում՝ ներդրումների կոնկրետ հիմնավորումների միջոցով։

ԱՇ-ների սեփական կապիտալը

• Տնտեսական աճը շարունակում է բարձր լինել, իսկ եկամուտների վերականգնումը ճիշտ ուղու վրա է։ Սակայն մենք կարող ենք որոշակի տատանողականություն նկատել ԱՄՆ-ի ընտրությունների (Հերիսն ընդդեմ Թրամփի նախագահության) և առևտրի խոչընդոտների հարցում և այլն։
• Լատինական Ամերիկայում մենք բարձրաձայնել ենք Բրազիլիայի վերաբերյալ մեր դիրքորոշումը՝ հաշվի առնելով դրա գրավիչ գնահատումները, ինչպես նաև դրական ենք Մեքսիկայի հարցում։
• Հնդկաստանը և Ինդոնեզիան հզոր երկարաժամկետ պոտենցիալ են առաջարկում։ Մենք դրական ենք նաև Հարավային Կորեայի հարցում, սակայն սահմանափակել ենք որոշ բանկերի վերաբերյալ մեր տեսակետները։

ՀԵՌԱՆԿԱՐՆԵՐ

Ամունդիի ակտիվների դասերի վերաբերյալ հեռանկարները

ԿԱՐԵՎՈՐ ՏԵՂԵԿՈՒԹՅՈՒՆ

ՄՍՄԿ-ի տեղեկությունները կարող են գործածվել միայն Ձեր ներքին օգտագործման համար, չեն կարող վերարտադրվել կամ տարածվել որևէ ձևով և չեն կարող գործածվել որպես որևէ ֆինանսական գործիքի կամ պրոդուկտի կամ ինդեքսի հիմք կամ դրա բաղադրիչ։ ՄՍՄԿ-ի որևէ տեղեկություն նախատեսված չէ լինելու ներդրումային խորհրդատվություն կամ որևէ տեսակի ներդրումային որոշում կայացնելու (կամ դրանից զերծ մնալու) առաջարկություն, և դրա վրա չի կարելի հիմնվել որպես այդպիսին։ Պատմական տվյալները և վերլուծությունը չպետք է ընկալվեն որպես որևէ հետագա կատարողականի վերլուծության, կանխատեսման կամ կանխագուշակման մասին նշում կամ երաշխիք։ ՄՍՄԿ-ի տեղեկությունները տրամադրվել են «այնպես, ինչպես կա» հիմքով, և սույն տեղեկություններն օգտագործողն ստանձնում է սույն տեղեկությունների ցանկացած օգտագործման բոլոր ռիսկերը։ ՄՍՄԿ-ն, դրա փոխկապակցված անձինք և յուրաքանչյուր անձ, որը ներգրավված է ՄՍՄԿ-ի որևէ տեղեկություն կազմելուն կամ կապված է դրա հետ (միասին «ՄՍՄԿ կողմեր»), սույն տեղեկությունների մասով բացահայտ հրաժարվում է բոլոր երաշխիքներից (այդ թվում, առանց սահմանափակման, բնօրինակության, ճշգրտության, ամբողջականության, ժամանակին լինելու, խախտում չկատարելու, վաճառքի համար պիտանիության և կոնկրետ նպատակին համապատասխանության վերաբերյալ ցանկացած երաշխիքից)։ Չսահմանափակելով վերոնշյալ որևէ դրույթ, ՄՍՄԿ որևէ կողմ որևէ դեպքում չի կրում որևէ պատասխանատվություն որևէ ուղղակի, անուղղակի, հատուկ, պատահական, պատժիչ, հետևանքային (այդ թվում, առանց սահմանափակման, բաց թողնված օգուտի) կամ որևէ այլ վնասի համար։ (www.mscibarra.com)։ 

SM արդյունաբերությունների դասակարգման համաշխարհային ստանդարտը (ԱԴՀՍ) մշակվել է «Ստենդրդ ընդ Փուրզ»-ի և ՄՍՄԿ-ի կողմից և դրանց բացառիկ սեփականությունն ու ծառայությունների ապրանքանիշն է։ Ոչ «Ստենդրդ ընդ Փուրզ»-ը, ՄՍՄԿ-ն և ոչ էլ ԱԴՀՍ որևէ դասակարգում մշակելուն կամ կազմելուն ներգրավված որևէ այլ կողմ որևէ բացահայտ կամ ենթադրյալ երաշխիք կամ հավաստիացում չի տալիս այդ ստանդարտի կամ դասակարգման (կամ դրանց օգտագործումից ստացվելիք արդյունքի) վերաբերյալ, և այդ բոլոր կողմերը սույնով բացահայտ հրաժարվում են ցանկացած այդպիսի ստանդարտի կամ դասակարգման առնչությամբ բնօրինակության, ճշգրտության, ամբողջականության, վաճառքի համար պիտանիության կամ կոնկրետ նպատակին համապատասխանության վերաբերյալ ցանկացած երաշխիքից։ Չսահմանափակելով վերոնշյալ որևէ դրույթ, «Ստենդրդ ընդ Փուրզ»-ը, ՄՍՄԿ-ն, դրան որևէ փոխկապակցված անձ կամ ԱԴՀՍ որևէ դասակարգում մշակելուն կամ կազմելուն ներգրավված որևէ երրորդ կողմ որևէ պատասխանատվություն չի կրում որևէ ուղղակի, անուղղակի, հատուկ, պատժիչ, հետևանքային կամ որևէ այլ վնասի (այդ թվում՝ բաց թողնված օգուտի) համար, նույնիսկ եթե ծանուցվել է այդ վնասների հնարավոր լինելու մասին։

Սույն փաստաթուղթը նախատեսված է միայն տեղեկատվական նպատակների համար: Սույն փաստաթուղթը չի  հանդիսանում վաճառքի առաջարկ, գնման առաջարկի հրավեր կամ որևէ արժեթղթի կամ որևէ այլ պրոդուկտի կամ ծառայության առաջարկություն։ Ցանկացած արժեթուղթ, պրոդուկտ կամ ծառայություն, որին հղում է կատարվում, կարող են գրանցված չլինել Ձեր պետությունում համապատասխան մարմնի կողմից վաճառքի համար և կարող են չկարգավորվել կամ չվերահսկվել Ձեր պետությունում որևէ պետական կամ համանման մարմնի կողմից։ Այս փաստաթղթում պարունակվող տեղեկատվությունը չպետք է փոփոխվի կամ ներկայացվի այնպես, որ առաջացնի թյուրընկալումներ կամ սխալ հավաստիացումներ։ Փաստաթղթի բովանդակության ցանկացած օգտագործում, վերարտադրում կամ տարածում առանց ամբողջական և պատշաճ հղման սկզբնաղբյուրին արգելվում է։ Սույն փաստաթղթում պարունակվող ցանկացած տեղեկություն չի կարող օգտագործվել որպես որևէ ֆինանսական գործիքի կամ պրոդուկտի կամ ինդեքսի հիմք կամ դրա բաղադրիչ։ Ավելին, ոչինչ սույն փաստաթղթում նախատեսված չէ հարկային, իրավական կամ ներդրումային խորհրդատվություն տրամադրելու համար։ Եթե այլ բան նշված չէ, ապա սույն փաստաթղթում պարունակվող բոլոր տեղեկություններն ստացվել են «Ամունդի Ասեթ Մենեջմենթ ԷսԱԷս» ընկերությունից և ներկայաված են 2024 թվականի սեպտեմբերի 5-ի դրությամբ։ Դիվերսիֆիկացիան չի երաշխավորում շահույթ կամ չի պաշտպանում կորուստից։ Սույն փաստաթուղթը տրամադրվել է «այնպես, ինչպես կա» հիմքով, և սույն տեղեկություններն օգտագործողն ստանձնում է սույն տեղեկությունների ցանկացած օգտագործման բոլոր ռիսկերը։ Պատմական տվյալները և վերլուծությունը չպետք է ընկալվեն որպես որևէ հետագա կատարողականի վերլուծության, կանխատեսման կամ կանխագուշակման մասին նշում կամ երաշխիք։ Շուկայի և շուկայի միտումների վերաբերյալ արտահայտված տեսակետները հեղինակի տեսակետներն են և պարտադիր չէ, որ լինեն «Ամունդի Ասեթ Մենեջմենթ ԷսԱԷս» ընկերության կամ Ամունդի-Ակբա Ասեթ Մենեջմենթ ՓԲԸ-ի տեսակետներ ու ցանկացած պահի ենթակա են փոփոխության՝ շուկայի և այլ պայմանների հիման վրա, և չեն կարող լինել հավաստիացումներ առ այն, որ երկրները, շուկաները կամ ոլորտները կհամապատասխանեն ակնկալիքներին։ Սույն տեսակետները պետք չէ հիմք ընդունել որպես ներդրումային խորհրդատվություն, արժեթղթի առաջարկություն կամ «Ամունդի» ընկերության կամ Ամունդի-Ակբայի որևէ պրոդուկտի առքուվաճառքի մասին նշում։ Ներդրումը ներառում է ռիսկեր, այդ թվում՝ շուկայական, քաղաքական, իրացվելիության և արժույթի հետ կապված ռիսկեր։ Ավելին, «Ամունդին» կամ Ամունդի-Ակբան որևէ դեպքում չեն կրում որևէ պատասխանատվություն դրա հետևանքով առաջացած որևէ ուղղակի, անուղղակի, հատուկ, պատահական, պատժիչ, հետևանքային (այդ թվում, առանց սահմանափակման, բաց թողնված օգուտի) կամ որևէ այլ վնասի համար։

Առաջին օգտագործման ամսաթիվը՝ 2025թ սեպտեմբերի 5։ 

«Ամունդի-Ակբա Ասեթ Մենեջմենթ» ՓԲԸ-ն իրավաբանական անձ է, որը գրանցված է Հայաստանի Հանրապետությունում և Հայաստանի Կենտրոնական բանկի կողմից տրամադրած ներդրումային ֆոնդերի կառավարման թիվ 0002-ի լիցենզիայի հիման վրա, Հայաստանի Հանրապետությունում իրականացնում է պարտադիր կենսաթոշակային ֆոնդերի կառավարում։ Գրանցված գրասենյակը գտնվում է Երևան, Վազգեն Սարգսյան 10, 100-101 տարածք։  

Ամունդի-Ակբայի մասին ավելին իմանալու համար կարող եք այցելել www.amundi-acba.am կամ զանգահարել 011-310-000։