Ֆիսկալ լծակի վերադարձն անորոշ աշխարհակարգի պայմաններում

ԱՄՆ մաքսատուրքերի և դրանց կիրառման շուրջ առկա անորոշությունը մտավախություն է առաջացնում բիզնեսների ու սպառողների շրջանում, ինչը կարող է միջնաժամկետ ու երկարաժամկետ հեռանկարում ճնշել տնտեսական աճը՝ զուգահեռաբար ժամանակավորապես հանգեցնելով գնաճի։ Այս անորոշությունը, ինչպես նաև ԱՄՆ բաժնետոմսերի բարձր արժեքներն ու ԱՄՆ-ից դուրս ֆիսկալ հայտարարությունները հանգեցրել են ԱՄՆ, եվրոպական և չինական կապիտալի եկամտաբերության տարբերության։ Եվրոպայում դիրքորոշման փոփոխությունը հանգեցրել է եկամտաբերության ցուցանիշների վերագնահատման։ Մեր կարծիքով՝ առաջիկայում ֆիսկալ ընդլայնումն ու առևտրային անորոշությունը կարտահայտվեն հետևյալ կերպ.

• Եվրոպայում ռազմավարական ինքնուրույնության վերականգնում։ Թրամփի քայլերն արթնացման կոչ են դարձել Եվրոպայի համար։ Գերմանիայի ֆիսկալ խթանման միջոցները և ԵՄ-ի պաշտպանության նախաձեռնությունները ճիշտ ուղղությամբ կիրառվելու դեպքում կարող են շրջադարձային նշանակություն ունենալ տարածաշրջանի տնտեսական աճի համար, սակայն դրանց իրականացման համար պահանջվելու է ժամանակ, իսկ մաքսատուրքերի հետ կապված ռիսկերը դեռևս պահպանվելու են։ Այս միջոցների ազդեցությունը տնտեսական աճի վրա կզգացվի 2025 թվականից հետո։ Մինչ այդ՝ մեր կանխատեսումներում փոփոխություններ չեն նախատեսվում:

• ԱՄՆ-ում ռեցեսիա չի կանխատեսվում, սակայն տնտեսական աճի նվազման ռիսկերն ավելանում են։ Մաքսատուրքերի ազդեցությունն ԱՄՆ տնտեսական աճի վրա մտահոգություններ է առաջացնում այն պայմաններում, երբ տնտեսական աճն արդեն իսկ դանդաղել է։ Այս միտումը նկատելի է նաև Դաշնային պահուստի կողմից այս տարվա աճի տեմպերի վերջին նվազեցումից։ Մենք ուշադիր դիտարկում ենք, թե ինչպես կարող է տնտեսական աճի հնարավոր դանդաղեցումն ազդել կորպորատիվ շահույթների վրա․այս առումով առաջին կիսամյակը վճռորոշ կլինի։

• Թեև Չինաստանում պետական խթանման միջոցները դեռևս չեն հանգեցրել ամբողջական տնտեսական վերականգնման՝ դրանք կարողացել են պահպանել դրական միտումը շուկայում։ Ֆիսկալ խթանման բարձր բազմապատկիչի պայմաններում մենք վերանայում ենք ՀՆԱ-ի աճի մեր կանխատեսումները՝ (2025թ․ համար) 4.1%-ից մինչև 4.4% և (2026թ․ համար) 3.6%-ից մինչև 3.9%:

Այս փուլում, երբ նախագահ Թրամփը պատրաստ է զոհել ԱՄՆ-ի կարճաժամկետ տնտեսական աճը, Եվրոպան ֆիսկալ ընդլայնման ազդակներ է փոխանցում։ Սա ոչ թե ռիսկերի նվազեցման կոչ է, այլև՝ ԱՄՆ գերկապիտալացված ընկերություններից դեպի այլ ուղղություններ ներդրումային ռոտացիայի շարունակություն և բաժնետոմսերի ու կորպորատիվ պարտատոմսերի շուկաներում կրկին շեշտադրում այն ոլորտների վրա, որոնք բնութագրվում են ողջամիտ արժեքով և եկամտաբերության կայունությամբ։ Մենք մեր ակտիվների դասերի վերաբերյալ տեսակետները ներկայացնում ենք հետևյալ կերպ.

• Ճկուն և գլոբալ մոտեցում ֆիքսված եկամտով գործիքների ժամկետայնության նկատմամբ։ Դաշնային պահուստի՝ գնաճը վերահսկելու հանձնառությունն ու մաքսատուրքերից բխող աճի անորոշությունը դարձել են ժամկետայնության շուրջ բանավեճի առարկա։ Մեր կարծիքով՝ եթե Դաշնային պահուստը ստիպված լինի ընտրություն կատարել, ապա այն, ամենայն հավանականությամբ, կնախընտի աճի պահպանումը։ Մենք ԱՄՆ պետական պարտատոմսերի նկատմամբ պահպանում ենք մեր ճկուն դիրքորոշումը և նախընտրում ենք ԱՄՆ-ում կորի միջին հատվածները։ Եվրոպայում և ՄԹ-ում մեր կանխատեսումը դրական է, և ակնկալում ենք, որ կենտրոնական բանկերը կշարունակեն վարել տոկոսադրույքների նվազեցման քաղաքականությունը։ Կորպորատիվ վարկի շուկայում դիտվում է ողջամիտ պահանջարկ՝ բարձրորակ եկամտաբերության նկատմամբ։ Նախապատվությունը բարձր եկամտաբերությամբ պարտատոմսերի փոխարեն տալիս ենք ԵՄ-ի բարձր վարկանիշով պարտատոմսերին, ինչպես նաև ոչ ֆինանսական ոլորտում գործունեություն ծավալող ընկերությունների փոխարեն ֆինանսական ոլորտում գործունեություն ծավալող ընկերություններին, և ԱՄՆ-ում մեր առաջնահերթությունն այն հատվածների վրա է, որտեղ սփռվածությունը մեծ է, իսկ իրացվելիության ռիսկն արդարացված։ Բացի դրանից, բարձր եկամտաբերությամբ պարտատոմսերի փոխարեն նախընտրում ենք բարձր պարտքային բեռ ունեցող ընկերություններին տրամադրվող փոխառությունները։

• Ներդրումային ռոտացիաներ և բաժնետոմսեր դիվերսիֆիկացում։ Թրամփի ազդեցությունն ու գերկապիտալացված ընկերությունների և շուկայի մնացած մասի միջև եկամտի տարբերության նեղացումը նպաստել են ԱՄՆ-ի թանկ ոլորտներից ներդրումների արտահոսքին։ Մեր ուշադրության կենտրոնում շարունակում են մնալ որակը, արժեքը և պաշտպանությունը։ Մեր կարծիքով՝ արդյունաբերական ոլորտում ներկայիս գնահատումներն այնքան էլ գրավիչ չեն, սակայն կարող են առաջանալ հնարավորություններ այն ոլորտներում, որոնք կարող են օգուտ քաղել Եվրոպայի (հատկապես Գերմանիայի) խթանման ծրագրերից։ Եվրոպայում գերազանց ցուցանիշների շարունակման համար կարևոր նշանակություն կունենա եկամտի կայունությունը: Ընդհանուր առմամբ, մենք առաջնահերթություն ենք տալիս գնագոյացնող ընկերություններին և ֆինանսական կայուն հաշվեկշիռներին:

• ԱՄՆ տնտեսական բացառիկության թուլացումը և նորաստեղծ շուկաների կայուն աճը մեզ պահում է կառուցողական դիրքորոշման մեջ։ Կայուն արժույթով պարտատոմսերի և կորպորատիվ ոլորտում մենք նախընտրում ենք ինքնատիպ պատմություններ, որոնք ունեն հիմնական ակտիվների բարելավման ներուժ, իսկ բաժնետոմսերի մասով մենք բարելավել ենք Եվրոպայի զարգացող շուկաներում ներդրումներ կատարելու հարցում մեր դիրքորոշումը։

• Ասիայի շուկաներում խաչաձև ակտիվներում ներդրումներ կատարելու հնարավորությունների օգտագործում: Մենք նախընտրում ենք ներդրումներ կատարել բարձր որակի ռիսկային ֆիքսված ակտիվներում ու կապիտալում ներդրումներին և լավատեսորեն ենք տրամադրված նորաստեղծ շուկաների բաժնետոմսերի նկատմամբ՝ Չինաստանի և Հնդկաստանի շուկաների միջոցով։ Թեև քաղաքական խթաններից պետք է շահի Չինաստանի տնտեսությունը, այդուհանդերձ Հնդկաստանի բաժնետոմսերի ներկայիս շուկայական արժեքներն ավելի բարենպաստ են, և ներքին սպառման շնորհիվ երկիրը շարունակում է դիտարկվել որպես երկարաժամկետ ներդրումների համար բարենպաստ ուղղություն։ Մենք նաև որոշ չափով վերանայել ենք ԱՄՆ ժամկետայնության հետ կապված մեր դիրքորոշումը։ Վերջապես, մենք կարևորում ենք ոսկու և կապիտալի հեջավորման ռազմավարությունները՝ շուկայի տատանումներին դիմակայելու համար։

Երեք արդիական հարց

1. Ինչպիսի՞ն է լինելու ԱՄՆ տնտեսության զարգացումը մաքսատուրքերի պայմաններում։

Մենք կարծում ենք, որ ԱՄՆ-ում ներմուծման մաքսատուրքերի ազդեցությունն ավելի բացասական կլինի ներքին սպառման համար, քանի որ դրանք առավելապես բեռ են տնօրինվող եկամուտների վրա, այլ ոչ թե գնաճի: Եթե ԱՄՆ-ի տնտեսության աճը թույլ լինի առաջին և երկրորդ եռամսյակներում, ապա դա կարող է ազդել տնտեսական աճի նկատմամբ շուկաների վստահության վրա տարվա մնացած հատվածում: Չնայած մենք ընդունում ենք, որ շուկաներում ուժեղանում են ԱՄՆ-ում ռեցեսիայի վերաբերյալ մտավախությունները, այդուհանդերձ, այս տարի մենք այն չենք կանխատեսում։ Հարկաբյուջետային քաղաքականությունը տրամաբանական է, Դաշնային պահուստը շարունակելու է տոկոսադրույքների նվազեցումն այս տարի, իսկ նավթի գներն ընդունելի մակարդակում են, ինչը թույլ է տալիս մեզ ենթադրել, որ ռեցեսիա չկա:

Ներդրումների հետևանքները

• Ժամկետ՝ մոտավորապես չեզոք
• Բաժնետոմսեր՝ զգուշավորություն աճի և ՏՏ նկատմամբ, դրական մոտեցում արժեքի առումով

2. Ըստ ձեզ՝ արդյոք ԱՄՆ առևտրային քաղաքականությունը կարող է ազդել Դաշնային պահուստի կողմից կայացվող որոշումների վրա։

Նախագահ Թրամփի առևտրային քաղաքականությունների վերաբերյալ անորոշությունն արդեն իսկ ազդել է շուկայի՝ այս տարի Դաշնային պահուստի կողմից տոկոսադրույքների կրճատման սպասումների վրա: Չնայած մենք պահպանում ենք մեր կանխատեսումը տոկոսադրույքի երեք կրճատումների վերաբերյալ՝ այդուհանդերձ կարծում ենք, որ եթե քաղաքական անորոշությունը խորանա և խոչընդոտի տնտեսական աճը, ապա Դաշնային պահուստը ստիպված կլինի արձագանքել՝ ավելի շատ թուլացումով: Առայժմ կենտրոնական բանկը մաքսատուրքերի ազդեցությունը համարում է ժամանակավոր և նախընտրում է սպասել և հետևել իրավիճակին՝ վերջին նիստում պահպանելով տոկոսադրույքների կայուն մակարդակը: Եվրոպայում ընդլայնող ֆիսկալ քաղաքականությունը կբարձրացնի պարտատոմսերի եկամտաբերությունը (նվազեցնելով ԱՄՆ-ի հետ տարբերությունը), սակայն մենք կարծում ենք, որ Եվրոպական կենտրոնական բանկը (ECB) դեռևս ունի հնարավորություն՝ շարունակելու տոկոսադրույքների կրճատման ուղին: Բանկի՝ Եվրոգոտու տնտեսական աճի վերաբերյալ վերջին նվազեցված կանխատեսումը հաստատում է շարունակական թուլացման անհրաժեշտությունը:

Ներդրումների հետևանքները

• Դաշնային պահուստ՝ տոկոսադրույքի երեք իջեցում (յուրաքանչյուրը 25 բազիսային կետ), ինչը տարվա վերջում կդարձնի վերին սահմանային տոկոսադրույքը 3.75%:
• ԵԿԲ՝ երեք իջեցում, որոնց արդյունքում ավանդների տոկոսադրույքը կհասնի 1.75%-ի:

3. Ինչպիսի՞ն է ԱՄՆ դոլարի և եվրոյի ապագան։

Մենք որոշ ժամանակ է պնդում ենք, որ դոլարի ուժը մասամբ պայմանավորված է ԱՄՆ-ի տնտեսական աճի բացառիկությամբ և Դաշնային պահուստի տոկոսադրույքների քաղաքականությամբ: Հետևաբար, զարմանալի չէ, որ այս տարի դոլարի թուլացումը պայմանավորված է աճի մտահոգություններով և Թրամփի քաղաքականության վերաբերյալ անորոշություններով (ինչը շուկայի համար սովորական երևույթ չէ): Միևնույն ժամանակ, Եվրոպայում ֆիսկալ քաղաքականության փոփոխությունների արդյունքում բարձրացրել է եվրոյի արժեքը: Քանի դեռ տարածաշրջանում շարունակվում է այս ուղղությունը, արժույթը կշահի: ԱՄՆ-ի և այլ երկրների միջև աճի հավասարեցումը նշանակում է, որ ԱՄՆ- ի բացառիկությանը, որն արտացոլվում է դոլարի արժեքով, առաջիկայում մարտահրավերներ են սպասվում:

Ներդրումների հետևանքները

• Տարվա վերջի դրությամբ EUR/USD փոխարժեքի մեր թիրախը 1.13 է

Մոնիկա Դիֆենդ

Ամունդի Ներդրումային Ինստիտուտի Ղեկավար

ԱՄՆ բաժնետոմսերը համարվում են գերագնահատված՝ տնտեսության վրա մաքսատուրքերի ազդեցության մասով մտահոգությունների պայմաններում: Այնուամենայնիվ, ԱՄՆ շուկայում ներդրողները կարող են գտնել հնարավորություններ ոլորտների և բաժնետոմսերի մակարդակով և պետք է դիտարկեն ավելի էժան բաժնետոմսերի ուղղությամբ զանազանեցման տարբերակները։

ԽԱՉԱՁԵՎ ԱԿՏԻՎՆԵՐ

Ներդրումային ռազմավարության ճշգրտում՝ զարգացող շուկաներում ներդրումների ծավալներն ավելացնելու համար։

Ֆրանչեսկո Սանդրինի

Ակտիվենրում Խաչաձև Ներդրումների Ռազմավարությունների Գծով Ղեկավար

Ջոն Օ՛Թուլ

Ակտիվենրում Խաչաձեվ Ներդրումների Լուծումների Գծով Ղեկավար

«ԱՄՆ սահմաններից դուրս աճի տեմպերի ընդլայման պայմաններում մենք բարելավել ենք մեր դիրքորոշումը զարգացող շուկաների մասով, իսկ ընդհանուր առմամբ շարունակում ենք մեր դիվերսիֆիկացված մոտեցումը»։

ԱՄՆ-ում տնտեսական տվյալների վատթարացումը, թեև առանց ռեցեսիայի, վկայում է այն մասին, որ նախագահ Թրամփը պատրաստ է զոհել ԱՄՆ-ի կարճաժամկետ տնտեսական աճը, և սա Դաշնային պահուստին կստիպի զգոն լինել և արձագանքել տնտեսությունում առաջացող ցանկացած լարվածության նշանի։ Այս ամենը տեղի է ունենում այն պահին, երբ Չինաստանը ցուցաբերում է ֆիսկալ աջակցություն, իսկ Եվրոպայի առաջնորդներն արդեն գիտակցում են ֆիսկալ խթանման անհրաժեշտությունը՝ ինքնավարության, պաշտպանության և ենթակառուցվածքների զարգացման նպատակով։ Ստեղծված իրավիճակը ռիսկերը նվազեցնելու կոչ չէ, այլև ԱՄՆ գերկապիտալացված ընկերություններից դեպի այլ ուղղություններ ներդրումային ռոտացիայի շարունակության և Եվրոպայի ու Ասիայի շուկաները կրկին կարևորելու կոչ։ Միևնույն ժամանակ, նախընտրում ենք պարտատոմսերի և ոսկու միջոցով պահպանել դիվերսիֆիկացված դիրքորոշում, որպեսզի ավելի արդյունավետորեն դիմակայենք շուկայի տատանումներին և ապահովենք բավարար երաշխիքային մեխանիզմներ։

Ինչ վերաբերում է բաժնետոմսերին՝ համապարփակ ակտիվ մոտեցման շրջանակներում, մենք շարունակում ենք պահպանել դրական դիրքորոշում Եվրոգոտու և ՄԹ-ի նկատմամբ, որոնք դիվերսիֆիկացիայի հնարավորություն են ընձեռում եվրոպական առավել լայն տարածաշրջանում։ Չնայած որոշակի թանկ հատվածներին՝ ԱՄՆ-ի նկատմամբ մեր մոտեցումը ևս կառուցողական է՝ կարճաժամկետ տատանումներից պաշտպանվելու համար կիրառվող պաշտպանական մեխանիզմներով։ Նորաստեղծ շուկաներում մենք լավատեսորեն ենք տրամադրված Չինաստանի ներքին շուկաների նկատմամբ, ինչը պայմանավորված է կառավարության կուռ աջակցությամբ։ Ներկայումս նաև փոքր-ինչ դրական դիրքորոշում ունենք Հնդկաստանի նկատմամբ՝ հաշվի առնելով (նախորդ տարվա համեմատ) կապիտալի ավելի գրավիչ գնահատումները, կայուն տնտեսական աճը, որը հարաբերականորեն պաշտպանված է մաքսատուրքերի հետ կապված խնդիրներից:

Պարտատոմսերի մասով մենք ճշգրտել ենք ԱՄՆ ժամկետայնության և եկամտաբերության կորի թեքության հետ կապված մեր դիրքորոշումները՝ պահպանելով դրական մոտեցում 5 տարի ժամկետայնությամբ պարտատոմսերի առնչությամբ, սակայն այլևս զգուշավոր չենք 30 տարի ժամկետայնությամբ պարտատոմսերի առնչությամբ։ Դաշնային պահուստի կողմից քանակական խստացման դանդաղեցումը, ֆիսկալ ծախսերի զսպման նշաններն ու տնտեսական աճի թուլացումը կարող են նվազեցնել եկամտաբերությունը: Մենք դրական ենք տրամադրված Եվրոպայի՝ տնտեսական ու քաղաքական առումով կայուն երկրներում և ՄԹ-ում ժամկետայնության, ինչպես նաև գերմանական Bund և իտալական BTP պետական պարտատոմսերի հարաբերական արժեքի նկատմամբ։ Ասիայում զգուշավոր ենք ճապոնական պարտատոմսերի առնչությամբ։ Վարկային շուկան շարունակում է մնալ գրավիչ, և մասնավորապես, մենք պահպանում ենք մեր ուղղվածությունը ԵՄ ներդրումային դասի պարտատոմսերի ուղղությամբ։ Նորաստեղծ շուկաների պարտատոմսերի մասով մեր դիրքորոշումը շարունակում է մնալ չեզոք։

Փոխարժեքների նկատմամբ մեր դիրքորոշումները դրական են USD/CHF և JPY/CHF-ի մասով, սակայն զգուշավոր են առևտրով կշռված EUR-ի, JPY-ի, NOK-ի մասով, քանի որ առկա են գնահատումների հետ կապված մտահոգություններ։ Մենք նաև կարծում ենք, որ ներդրողները պետք է ունենան ոսկու տեսքով համապատասխան երաշխիքային մեխանիզմներ (հաշվի առնելով աշխարհաքաղաքական և հնարավոր գնաճային ռիսկերը), ինչպես նաև ԱՄՆ բաժնետոմսերի առնչությամբ ռիսկերի կառավարման ռազմավարություններ։

ՖԻՔՍՎԱԾ ԵԿԱՄՈՒՏ

Եկամտաբերության կտրուկ ճշգրտումները պահանջում են ժամկետների ճկունություն

Ամորի Դ՛օրսեյ 

Ֆիքսված Եկամուտների Գծով Ղեկավար

Երլան Ժդիկով 

Զարգացող Շուկաների Գլոբալ Զարգացման Ղեկավար

Թրամփի ընտրական հաղթանակի ֆոնին ԱՄՆ պարտատոմսերի եկամտաբերության աճի նկատմամբ լավատեսությունը վերածվել է մտավախության՝ կապված նրա մաքսատուրքերի քաղաքականության անորոշության հետ: Ի հակադրություն դրան՝ Գերմանիայի ֆիսկալ խթանումը և ԵՄ-ում ներդրումներն ավելացնելու գիտակցումը հանգեցրել են Եվրոպայի խոշոր տնտեսություններում եկամտաբերության աճի: Հիմնական հարցը մնում է՝ թե որքան շուտ կարող են այս ծրագրի օգուտները հասնել իրական տնտեսությանը, և արդյոք Եվրոպայի այլ երկրներ կարող են թույլ տալ ավելի բարձր եկամտաբերություն ունենալ: Երկարաժամկետ հեռանկարում եվրոպական աճը, ամենայն հավանականությամբ, կխթանվի ավելի մեծ ծախսերով, սակայն կարճաժամկետում ֆիսկալ ծախսերի իրականացման ռիսկերը պահպանվում են: Ուստի մենք պահպանում ենք ճկուն դիրքորոշում ժամկետների վերաբերյալ և ուսումնասիրում ենք կորպորատիվ վարկերի որակյալ հատվածները:

Գլոբալ և եվրոպական ֆիքսված եկամուտ

• ԵՄ և Գերմանիայի ֆիսկալ պլանները հավանաբար փոխել են երկարաժամկետ հեռանկարում ընթացքը և Եվրոպայում դրական տեղաշարժ են առաջացրել։ ԵՄ ժամկետները գրավիչ են և մենք ճկուն ենք մնում։ ՄԹ ժամկետները նույնպես գրավիչ են, սակայն Ճապոնիայի նկատմամբ զգուշավոր ենք՝ բարձր գնաճի պատճառով, որը կարող է ազդել Ճապոնիայի Բանկի քաղաքականության վրա։ 
• Հաշվի առնելով կորպորատիվ ամուր հիմքերը՝ մենք դրական ենք տրամադրված կորպորատիվ վարկերի նկատմամբ, հատկապես ԵՄ ներդրումային դասի վերաբերյալ։ Մենք նախընտրում ենք ֆինանսական ընկերությունները ոչ ֆինանսականների նկատմամբ։
• ԵՄ բարձր եկամտաբերության նկատմամբ չեզոք դիրքորոշում ունենք և նախընտրում ենք ստորադաս պարտքը։ 

ԱՄՆ ֆիքսված եկամուտ

• Մենք ուշադիր հետևում ենք Դաշնային պահուստի գործողություններին և կարծում ենք, որ այն ավելի շատ մտահոգված է տնտեսական աճով, քան գնաճով։ ԱՄՆ պետական պարտատոմսերը լավ դիվերսիֆիկացիա են ապահովում։ Մենք ակտիվ դիրքորոշում ունենք ժամկետայնության հարցում՝ նախընտրելով միջին ժամկետներ (5-10 տարի)։
• մենք բարձրացրել ենք կորպորատիվ վարկերի հարցում որակի նկատմամբ մեր նախընտրությունների շեմը, շարունակում ենք նախընտրել ներդրումային դասի վարկերը բարձր եկամտաբերության փոխարեն և ֆինանսական ոլորտը՝ արդյունաբերականի փոխարեն։
• Արժեթղթավորած վարկերն ապահովում են լավ արժեք, հատկապես գործակալության ԱՎ-երը, բայց մենք ակտիվ դիրքորոշում ունենք՝ հաշվի առնելով շուկայի ընթացիկ տատանումները։

ԶՇ պարտատոմսեր 

• ԱՄՆ առևտրային քաղաքականությունների և աշխարհաքաղաքականության շուրջ անորոշությունը, ինչպես նաև զարգացած շուկաների եկամտաբերության տատանողականությունը, մեզ ստիպում են չեզոք և զգոն մնալ զարգացող շուկաների ժամկետների նկատմամբ։ 
• Այնուամենայնիվ, մենք դրական ենք տրամադրված կոշտ արժույթով պարտքերի նկատմամբ, որտեղ եկամտաբերությունը գրավիչ է։ Ընտրությունը մեզ համար առանցքային է։
• Տեղական արժույթի առումով նախապատվություն ենք տալիս Լատինական Ամերիկայի շուկաներին, ինչպիսիք են Բրազիլիան և Մեքսիկան։ Մենք նաև իրականացնում ենք Թուրքիայի իրավիճակի գնահատումը և մնում ենք զգոն։
• Կորպորատիվ վարկերի նկատմամբ մեր դրական դիրքորոշումը պահպանվում է, բայց մենք ուշադրություն ենք դարփնում բարձր եկամտաբերության սեգմենտի գնահատումներին։ 

ԲԱԺՆԵՏՈՄՍԵՐ

Կապիտալի գլոբալ շուկայում պահպանեք լավ դիվերսիֆիկացում

Բարրի Գլավին

Բաժնետոմսերի Հարթակի Ղեկավար

Երլան Ժդիկով 

Զարգացող Շուկաների Գլոբալ Զարգացման Հարցերով Ղեկավար

Նախագահ Թրամփի քաղաքականության տատանումները բացասաբար են անդրադառնում շուկայի տրամադրությունների վրա՝ այն պարագայում, որ ԱՄՆ-ի գնահատումները դեռևս բարձր են: Նման քաղաքականություններից բխող անորոշությունը դժվարացնում է կորպորատիվ ներդրումային որոշումները և մշուշում է եկամուտների հեռանկարը: Ուստի կարևոր է շեղվել ԱՄՆ-ում կենտրոնացման ռիսկերից և օգտվել այս ռոտացիայից՝ կենտրոնանալով եկամուտների կայունության վրա: Օրինակ, Եվրոպայում և Չինաստանում, թեև ԱՄՆ-ից դուրս ռոտացիայի գործընթացը մինչ այժմ դրական է եղել, կատարողականի հաջորդ փուլը կախված կլինի եկամուտներից: Հետևաբար, կարևոր է առաջնահերթություն տալ այն ոլորտներին, որոնք ցուցադրում են եկամուտների ամուր ներուժ (գնագոյացման հնարավորություն, մատակարարման շղթայի ամրություն, տարբերակված ապրանքներ) ԱՄՆ-ում, Եվրոպայում և զարգացող շուկաներում:

ԿԱՆԽԱՏԵՍՈՒՄՆԵՐ

Ակտիվների դասերի վերաբերյալ Ամունդի կանխատեսումները

ԿԱՐԵՎՈՐ ՏԵՂԵԿՈՒԹՅՈՒՆ

ՄՍՄԿ-ի տեղեկությունները կարող են գործածվել միայն Ձեր ներքին օգտագործման համար, չեն կարող վերարտադրվել կամ տարածվել որևէ ձևով և չեն կարող գործածվել որպես որևէ ֆինանսական գործիքի կամ պրոդուկտի կամ ինդեքսի հիմք կամ դրա բաղադրիչ։ ՄՍՄԿ-ի որևէ տեղեկություն նախատեսված չէ լինելու ներդրումային խորհրդատվություն կամ որևէ տեսակի ներդրումային որոշում կայացնելու (կամ դրանից զերծ մնալու) առաջարկություն, և դրա վրա չի կարելի հիմնվել որպես այդպիսին։ Պատմական տվյալները և վերլուծությունը չպետք է ընկալվեն որպես որևէ հետագա կատարողականի վերլուծության, կանխատեսման կամ կանխագուշակման մասին նշում կամ երաշխիք։ ՄՍՄԿ-ի տեղեկությունները տրամադրվել են «այնպես, ինչպես կա» հիմքով, և սույն տեղեկություններն օգտագործողն ստանձնում է սույն տեղեկությունների ցանկացած օգտագործման բոլոր ռիսկերը։ ՄՍՄԿ-ն, դրա փոխկապակցված անձինք և յուրաքանչյուր անձ, որը ներգրավված է ՄՍՄԿ-ի որևէ տեղեկություն կազմելուն կամ կապված է դրա հետ (միասին «ՄՍՄԿ կողմեր»), սույն տեղեկությունների մասով բացահայտ հրաժարվում է բոլոր երաշխիքներից (այդ թվում, առանց սահմանափակման, բնօրինակության, ճշգրտության, ամբողջականության, ժամանակին լինելու, խախտում չկատարելու, վաճառքի համար պիտանիության և կոնկրետ նպատակին համապատասխանության վերաբերյալ ցանկացած երաշխիքից)։ Չսահմանափակելով վերոնշյալ որևէ դրույթ, ՄՍՄԿ որևէ կողմ որևէ դեպքում չի կրում որևէ պատասխանատվություն որևէ ուղղակի, անուղղակի, հատուկ, պատահական, պատժիչ, հետևանքային (այդ թվում, առանց սահմանափակման, բաց թողնված օգուտի) կամ որևէ այլ վնասի համար։ (www.mscibarra.com)։ 

SM արդյունաբերությունների դասակարգման համաշխարհային ստանդարտը (ԱԴՀՍ) մշակվել է «Ստենդրդ ընդ Փուրզ»-ի և ՄՍՄԿ-ի կողմից և դրանց բացառիկ սեփականությունն ու ծառայությունների ապրանքանիշն է։ Ոչ «Ստենդրդ ընդ Փուրզ»-ը, ՄՍՄԿ-ն և ոչ էլ ԱԴՀՍ որևէ դասակարգում մշակելուն կամ կազմելուն ներգրավված որևէ այլ կողմ որևէ բացահայտ կամ ենթադրյալ երաշխիք կամ հավաստիացում չի տալիս այդ ստանդարտի կամ դասակարգման (կամ դրանց օգտագործումից ստացվելիք արդյունքի) վերաբերյալ, և այդ բոլոր կողմերը սույնով բացահայտ հրաժարվում են ցանկացած այդպիսի ստանդարտի կամ դասակարգման առնչությամբ բնօրինակության, ճշգրտության, ամբողջականության, վաճառքի համար պիտանիության կամ կոնկրետ նպատակին համապատասխանության վերաբերյալ ցանկացած երաշխիքից։ Չսահմանափակելով վերոնշյալ որևէ դրույթ, «Ստենդրդ ընդ Փուրզ»-ը, ՄՍՄԿ-ն, դրան որևէ փոխկապակցված անձ կամ ԱԴՀՍ որևէ դասակարգում մշակելուն կամ կազմելուն ներգրավված որևէ երրորդ կողմ որևէ պատասխանատվություն չի կրում որևէ ուղղակի, անուղղակի, հատուկ, պատժիչ, հետևանքային կամ որևէ այլ վնասի (այդ թվում՝ բաց թողնված օգուտի) համար, նույնիսկ եթե ծանուցվել է այդ վնասների հնարավոր լինելու մասին։

Սույն փաստաթուղթը նախատեսված է միայն տեղեկատվական նպատակների համար: Սույն փաստաթուղթը չի  հանդիսանում վաճառքի առաջարկ, գնման առաջարկի հրավեր կամ որևէ արժեթղթի կամ որևէ այլ պրոդուկտի կամ ծառայության առաջարկություն։ Ցանկացած արժեթուղթ, պրոդուկտ կամ ծառայություն, որին հղում է կատարվում, կարող են գրանցված չլինել Ձեր պետությունում համապատասխան մարմնի կողմից վաճառքի համար և կարող են չկարգավորվել կամ չվերահսկվել Ձեր պետությունում որևէ պետական կամ համանման մարմնի կողմից։ Այս փաստաթղթում պարունակվող տեղեկատվությունը չպետք է փոփոխվի կամ ներկայացվի այնպես, որ առաջացնի թյուրընկալումներ կամ սխալ հավաստիացումներ։ Փաստաթղթի բովանդակության ցանկացած օգտագործում, վերարտադրում կամ տարածում առանց ամբողջական և պատշաճ հղման սկզբնաղբյուրին արգելվում է։ Սույն փաստաթղթում պարունակվող ցանկացած տեղեկություն չի կարող օգտագործվել որպես որևէ ֆինանսական գործիքի կամ պրոդուկտի կամ ինդեքսի հիմք կամ դրա բաղադրիչ։ Ավելին, ոչինչ սույն փաստաթղթում նախատեսված չէ հարկային, իրավական կամ ներդրումային խորհրդատվություն տրամադրելու համար։ Եթե այլ բան նշված չէ, ապա սույն փաստաթղթում պարունակվող բոլոր տեղեկություններն ստացվել են «Ամունդի Ասեթ Մենեջմենթ ԷսԱԷս» ընկերությունից և ներկայաված են 2025 թվականի մարտի 31-ի դրությամբ։ Դիվերսիֆիկացիան չի երաշխավորում շահույթ կամ չի պաշտպանում կորուստից։ Սույն փաստաթուղթը տրամադրվել է «այնպես, ինչպես կա» հիմքով, և սույն տեղեկություններն օգտագործողն ստանձնում է սույն տեղեկությունների ցանկացած օգտագործման բոլոր ռիսկերը։ Պատմական տվյալները և վերլուծությունը չպետք է ընկալվեն որպես որևէ հետագա կատարողականի վերլուծության, կանխատեսման կամ կանխագուշակման մասին նշում կամ երաշխիք։ Շուկայի և շուկայի միտումների վերաբերյալ արտահայտված տեսակետները հեղինակի տեսակետներն են և պարտադիր չէ, որ լինեն «Ամունդի Ասեթ Մենեջմենթ ԷսԱԷս» ընկերության կամ Ամունդի-Ակբա Ասեթ Մենեջմենթ ՓԲԸ-ի տեսակետներ ու ցանկացած պահի ենթակա են փոփոխության՝ շուկայի և այլ պայմանների հիման վրա, և չեն կարող լինել հավաստիացումներ առ այն, որ երկրները, շուկաները կամ ոլորտները կհամապատասխանեն ակնկալիքներին։ Սույն տեսակետները պետք չէ հիմք ընդունել որպես ներդրումային խորհրդատվություն, արժեթղթի առաջարկություն կամ «Ամունդի» ընկերության կամ Ամունդի-Ակբայի որևէ պրոդուկտի առքուվաճառքի մասին նշում։ Ներդրումը ներառում է ռիսկեր, այդ թվում՝ շուկայական, քաղաքական, իրացվելիության և արժույթի հետ կապված ռիսկեր։ Ավելին, «Ամունդին» կամ Ամունդի-Ակբան որևէ դեպքում չեն կրում որևէ պատասխանատվություն դրա հետևանքով առաջացած որևէ ուղղակի, անուղղակի, հատուկ, պատահական, պատժիչ, հետևանքային (այդ թվում, առանց սահմանափակման, բաց թողնված օգուտի) կամ որևէ այլ վնասի համար։

Առաջին օգտագործման ամսաթիվը՝ 2025թ մարտի 31։ 

«Ամունդի-Ակբա Ասեթ Մենեջմենթ» ՓԲԸ-ն իրավաբանական անձ է, որը գրանցված է Հայաստանի Հանրապետությունում և Հայաստանի Կենտրոնական բանկի կողմից տրամադրած ներդրումային ֆոնդերի կառավարման թիվ 0002-ի լիցենզիայի հիման վրա, Հայաստանի Հանրապետությունում իրականացնում է պարտադիր կենսաթոշակային ֆոնդերի կառավարում։ Գրանցված գրասենյակը գտնվում է Երևան, Վազգեն Սարգսյան 10, 100-101 տարածք։  

Ամունդի-Ակբայի մասին ավելին իմանալու համար կարող եք այցելել www.amundi-acba.am կամ զանգահարել 011-310-000։