Համաշխարհային բաժնետոմսերը հոկտեմբերին հասել են պատմական առավելագույնի՝ ԱՄՆ-ում արհեստական բանականության ոլորտի ուժեղ իմպուլսի, Դաշնային պահուստի մեղմացման սպասումների և Գերմանիայում ֆիսկալ ընդարձակման դրական տրամադրությունների շնորհիվ։ Այդուհանդերձ՝ ԱՄՆ-Չինաստան առևտրային տարաձայնությունների վերածնունդը, ԱՄՆ-ում վարկերի հետ կապված որոշ իրադարձությունների հարցում մտահոգությունները և ԱՄՆ կառավարության շարունակական փակումն առաջացրել են անկայունություն ռիսկային ակտիվներում։ Չնայած ԱՄՆ-ը և Չինաստանը երկարաձգել են իրենց ժամանակավոր համաձայնությունը, մենք ցանկանում ենք հասկանալ, թե որքանով դա կպահպանվի երկարաժամկետ հատվածում։

Այս անորոշությունը նախկինում թափ է տվել պարտատոմսերի ապահով ապաստանի գրավչությանը՝ նվազեցնելով եկամտաբերություններն ԱՄՆ-ում, Եվրոպայում և ՄԹ-ում։ Այդուհանդերձ՝ մտահոգությունները պահպանվել են երկարաժամկետ դեֆիցիտների, պարտքի և ոսկիով չապահովված արժույթների (փողի վատնում) գծով կառավարական ծախսերի ազդեցության վերաբերյալ։ Արդյունքում՝ ոսկին հասել է ռեկորդային մակարդակների, թեև գները հետաճել են։ Ֆիսկալ ռիսկերը նաև ակնհայտ են եղել ճապոնական եկամտաբերություններում և առաջացրել են իենի կտրուկ անկում։

Սրանք են այն հիմնական տնտեսական թեմաները, որոնք, ամենայն հավանականությամբ, կքննարկվեն գալիք ամիսներին.

• ԱՄՆ-ում ԱԲ կապիտալ ծախսերը կխթանեն ԱՄՆ տնտեսական աճը, սակայն չեն կարողանա ամբողջությամբ փոխհատուցել սպառման անկումը, որը մնում է ԱՄՆ տնտեսության հիմնասյունը։ Պատմական տվյալներում մինչ այժմ դիմակայուն սպառումը՝ զուգակցված կապիտալ ծախսերի հնարավոր աճի հետ, մեզ թույլ է տվել բարձրացնել ԱՄՆ աճի կանխատեսումները 2025-ի (1.9%) և 2026-ի (1.9%) համար։ Այդուհանդերձ՝ աշխատանքի շուկաները մնում են թույլ, ինչը մեզ ստիպում է եզրակացնել, որ ընդհանուր թուլացման միտումը չի փոխվում։ Տեխնոլոգիական հատվածում ներդրումները դեռևս չեն հանգեցրել նոր աշխատատեղերի զանգվածային ստեղծման և կարճաժամկետում հավանաբար չեն խթանի աշխատանքային շուկաները։ Հետևաբար՝ մենք ակնկալում ենք եկամուտների դինամիկայի նվազման և սպառման չափավորության սցենարը։

«Զարգացած աշխարհի մեծ մասը կպահպանի ֆիսկալ ընդլայնման միտումը, մինչդեռ Չինաստանը գնում է հակառակ ուղղությամբ՝ նվազեցնելով ավելցուկային հզորությունները՝ անցում կատարելու ներքին սպառման վրա հիմնված աճի մոդելի»։ 

• Եվրագոտու տնտեսականաճը, ամենայն հավանականությամբ, այս տարի կդանդաղի, ապա կվերականգնվի 2026-ի կեսերից՝ մնալով երկարաժամկետ միտումից ցածր։ Մեր գնահատմամբ՝ կարճաժամկետում և հաջորդ տարվա սկզբին առկա է նվազման ռիսկ՝ գերմանական ֆիսկալ խթանման հնարավոր հետաձգումների և ճշգրտումների, ինչպես նաև արտահանման ճնշումների պատճառով։ Սակայն Իսպանիայում և Իտալիայում տնտեսական ակտիվության դիմակայունությունը կշարունակվի։ ԱՄՆ-ի վերջին պատժամիջոցները Ռուսաստանի նկատմամբ ցույց են տալիս, որ այն ավելի հավանական է համահունչ լինի ԵՄ-ին անվտանգության մարտահրավերներում։ Չնայած շատ բան կախված է պատժամիջոցների իրականացման արդյունավետությունից, Ուկրաինայի հետ հրադադարի ցանկացած նշան (դեռևս անհասանելի) դրական կլինի եվրոպական տնտեսության և ակտիվների համար։  

• Ֆիսկալ լծակ ունենալը դառնում է ավելի կարևոր։ ԱՄՆ-ը, ամենայն հավանականությամբ, կշարունակի ֆիսկալ ընդլայնման ուղին (ռիսկ, որը շուկայում չի գնահատվել), սակայն որոշակի կոնսոլիդացիայով, մինչդեռ Ճապոնիայի մասնատված քաղաքական դաշտը և նոր կառավարության մտադրությունները ցույց են տալիս, որ պոպուլիստական քաղաքականությունը կգերակշռի, ուստի ֆիսկալ ընդարձակումը կշարունակվի։ Գերմանիան նույնպես կգնա այդ ուղղությամբ, բայց ամենակարևորն այն է, որ նա ունի անհրաժեշտ ֆիսկալ տիրույթը։ 

• Չինաստանի տնտեսական աճի կանխատեսումները բարձրացվել են 2026-ի համար, և քանի որ աճը կլինի կառավարության թիրախին մոտ, մենք չենք սպասում զգալի ֆիսկալ «գրոհ»։ Այդուհանդերձ՝ ֆիսկալ կամ դրամավարկային խթանման որոշումը կախված կլինի նաև Չինաստանի հարցում ԱՄՆ առևտրային քաղաքականության զարգացումից։ Ընդհանուր առմամբ՝ մրցակցության սահմանափակումը, թույլ ներքին սպառումը և բնակարանային հատվածում ներդրումների կրճատումը ենթադրում են, որ կարճաժամկետում ակտիվությունը կմնա զսպված։ 

«Կենտրոնական բանկերը, ինչպես և Դաշնային պահուստը, գտնվում են տոկոսադրույքների կրճատման ռեժիմում այն ժամանակ, երբ տնտեսությունը դանդաղում է, բայց անկման մեջ չէ։ Գնաճի սպասումները, սակագները և քաղաքական ճնշումները կբարդացնեն Դաշնային պահուստի խնդիրը»։

Մոնիկա Դեֆենդ

Ամունդի Ներդրումային ինստիտուտի ղեկավար

ԱՄՆ տեխնոլոգիական կապիտալ ծախսերի ցիկլը, համաշխարհային ֆիսկալ խթանիչ քաղաքականություն և կենտրոնական բանկերի մեղմացումը դեռևս աճող տնտեսությունում՝ բոլորը դրական գործոններ են ռիսկային ակտիվների համար։ 

Մյուս կողմից՝ ԱՄՆ գնաճը, ամենայն հավանականությամբ, կմնա թիրախից բարձր, Եվրոպայում կարող են ի հայտ գալ ներքին պահանջարկի ճնշումներ, իսկ առևտրային պատերազմը դեռևս չի ավարտվել։ Բացի այդ՝ թեև շուկայում իրացվելիությունն առատ է, այն կարող է արագ սպառվել։ Այս գործոնները մեզ թույլ են տալիս մնալ մեղմ դրական ռիսկի նկատմամբ։ 

• Համաշխարհային ֆիքսված եկամտաբերության շուկայում ընդհանուր առմամբ չեզոք ենք ժամկետայնության նկատմամբ, սակայն կառուցողական՝ ներդրումային դասի վարկի և զարգացող շուկաների պարտատոմսերի նկատմամբ։ Նախընտրում ենք եվրոպական պարտատոմսերը՝ ԱՄՆ-ի նկատմամբ, և զգուշավոր ենք Ճապոնիայի դեպքում։ ԱՄՆ-ում բարձր սակագները դեռևս լիովին չեն արտացոլվել գնաճում, սակայն գալիք ամիսները կարող են փոխել այդ իրավիճակը։ 

• Բաժնետոմսերի դեպքում համոզված ենք, որ ԱՄՆ-ում բարձր գնահատումները պահանջում են այնպիսի տարածաշրջանների ուսումնասիրում, ինչպիսիք են Եվրոպան, ՄԹ-ն և զարգացող շուկաները (ԶՇ)։ Այդուհանդերձ՝ ԱՄՆ միջոլորտային եկամուտների դիմակայունությունը, ներառյալ տեխնոլոգիականը, ամրապնդում է ընտրությունը։ ԶՇ-ում լավատես ենք Բրազիլիայի, Մեքսիկայի և Հնդկաստանի նկատմամբ։ 

• Խաչաձև ակտիվների դեպքում նվազեցրել ենք ԱՄՆ ժամկետայնության նկատմամբ դիրքորոշումը, սակայն ընդհանուր առմամբ դրական ենք։ Բացի այդ՝ ԱՄՆ-Չինաստան առևտրային և աշխարհաքաղաքական մրցակցության բանակցությունների զարգացումը կարող է ազդել ԶՇ որոշ ակտիվների վրա, որտեղ մենք ընդհանուր առմամբ դրական ենք։ Առևտրային ապրանքներում նվազեցրել ենք լավատեսությունը ոսկու նկատմամբ՝ այս տարվա վերջին աճից հետո։

«Չնայած ռիսկի նկատմամբ դրական մնալուն՝ ընդունում ենք արտադրողականության բարձրացման համար արհեստական բանականության փոխակերպող ուժը տարբեր ոլորտներում»։

ՖԻՔՍՎԱԾ ԵԿԱՄՈՒՏ

Հետևեք ԱՄՆ գնաճի սպասումներին

Ամորի Դորսեյ

Ֆիքսված եկամտի գծով ղեկավար

Սպառման ճնշումներն ԱՄՆ-ում կարող են ազդել տնտեսական ակտիվության վրա, երբ սակագների ազդեցության նյութականացման ժամանակ։ Մյուս կողմից՝ թեև գնաճի սպասումները դեռևս վերահսկելի են, ընդլայնվող ֆիսկալ քաղաքականությունը, տոկոսադրույքները կրճատելու հակում ունեցող Դաշնային պահուստը և ԱՄՆ սակագների բեռի փոխանցումն իրական տնտեսության գնաճին կարող են փոխել այդ իրավիճակը։ Հետևաբար՝ եկամտաբերության կորերը հետագայում ևս կշարունակեն կտրուկանալ։ Եվրոպայում գնաճը խնդիր չի առաջացնում, սակայն ներքին պահանջարկը կարող է խնդրահարույց լինել։

Բացի դրանից, մենք կարծում ենք, որ զարգացող շուկաները երկարաժամկետում կկարողանան դիմակայել ԱՄՆ-Չինաստան աշխարհաքաղաքական մրցակցությանը, սակայն առևտրային բանակցությունների շրջանում կարող ենք ականատես լինել որոշակի անկայունության։ Մենք նաև համոզված ենք, որ միջնաժամկետում ԶՇ-ները կշահեն Դաշնայինի տոկոսադրույքների կրճատումներից և ավելի թույլ դոլարից։ Կորպորատիվ վարկի պարագայում մենք շարունակում ենք փնտրել բարձր եկամտաբերություն և հավասարակշռել այն որակի հետ։

Ժամկետայնության ու եկամտաբերության կորեր

• Ժամկետայնության վերաբերյալ մեր դիրքորոշումը չեզոք է ինչպես ԱՄՆ-ում, այնպես էլ Եվրոպայում։ Վերջինիս շրջանակներում դրական ենք Իտալիայի և Իսպանիայի նկատմամբ՝ համեմատած Գերմանիայի և Ֆրանսիայի հետ։ Ֆրանսիայում քաղաքական անորոշության նվազման պայմաններում մենք փնտրում ենք մեր զգուշավոր դիրքորոշումը մեղմացնելու հնարավորություններ։

• ՄԹ ժամկետայնությունը մեր հիմնական վստահությունն է, որտեղ մենք կառուցողական ենք։ Առաջատար ցուցանիշները շարունակում են համապատասխանել աշխատանքային շուկայի թուլացմանը։

• Ճապոնիայում մենք պահպանում ենք բացասական դիրքորոշում ժամկետայնության նկատմամբ։

Կորպորատիվ վարկ

• Ոչ բոլոր վարկերն են նույնատիպ, ուստի մենք առաջնահերթություն ենք տալիս որակին։ ԵՄ ՆԴ սփրեդները նեղացել են, բայց մենք դեռ տեսնում ենք որոշակի սեղմման ծավալի հնարավորություն։ Հիմնարար ցուցանիշները տպավորիչ են, հատկապես ֆինանսական հատվածում։

• ԶՇ պարտատոմսերի նկատմամբ ընդհանուր առմամբ կառուցողական ենք, սակայն խուսափում ենք բարձր գնահատումների հատվածներից։ Մասնավորապես՝ դրական ենք տեղական արժույթով պարտատոմսերի նկատմամբ, որոնք այս տարի լավ ցուցանիշներ էին գրանցել։ Նախընտրում ենք Լատինական Ամերիկայի բարձր եկամտաբերություն ունեցող պարտատոմսերը՝ Ասիայի ցածր եկամտաբերություն ունեցողների նկատմամբ։

Արտարժույթ

• Ակտիվ մոտեցման շրջանակներում մենք բարձրացրինք USD-ի դիրքը մինչև չեզոք։ Թեև համոզված ենք, որ երկարաժամկետում դոլարը կթուլանա, այդուհանդերձ՝ կարճաժամկետում կա կոնսոլիդացիայի որոշակի հնարավորություն։ Իենի նկատմամբ կառուցողական ենք, սակայն ավելի քիչ, քան նախկինում։ Հետևում ենք Ճապոնիայի բանկի դիրքորոշմանը և նոր վարչապետի կողմից ֆիսկալ կարգապահության հնարավոր խախտումներին։

• ԶՇ արտարժույթի շուկան համընդգրկուն տիրույթ է, որտեղ մենք դրական և ընտրողական ենք տրամադրված։ Նախընտրում ենք BRL-ը, CLP-ն և INR-ը։ Ընդհանուր առմամբ՝ ասիական արտարժույթի շուկան ցածր գներ է առաջարկում, բացառությամբ որոշ դեպքերի։

ԲԱԺՆԵՏՈՄՍԵՐ

Եկամուտների դիմակայունությունը տնտեսական աճի շարժիչն է

Բարրի Գլավին

Բաժնետոմսերի հարթակի ղեկավար

Բաժնետոմսերը սեպտեմբերի սկզբից սկսած լավ ցուցանիշներ են ունեցել, ինչին նպաստում էին արհեստական բանականության նկատմամբ տրամադրությունները և այլ գործոններ։ Մեզ համար կարևոր է, թե որքանով ԱԲ-ն կարող է մեծացնել կորպորատիվ եկամուտները և որքան հավելաճն է համարվում հիմնավորված այդ բիզնեսների համար։ Հետևաբար, թեպետ կարծում ենք, որ արտադրողականության բարձրացման հարցում այդ տեխնոլոգիաները երկարաժամկետ ներուժ ունեն, այդուհանդերձ այժմ պատրաստ չենք դրա դիմաց գերավճարել։  

Մեր նպատակը մնում է բացահայտել այն բիզնեսները, որոնք ապահովում են եկամուտների, գների և պրոդուկտների զանազանեցման լավ հավասարակշռություն։ Այդպիսի բիզնեսներ առավելապես նկատում ենք Եվրոպայում, ՄԹ-ում, Ճապոնիայում և զարգացող շուկաներում, ինչպես նաև ԱՄՆ-ի արժեքային հատվածում։ Մասնավորապես՝ համաշխարհային առևտրային անորոշության պայմաններում, մենք դիտարկում ենք այն ընկերությունները, որոնք առավել կախված են այդ տարածաշրջանների ներքին պահանջարկից։

Զարգացած շուկաներ

• Խուսափում են ԱՄՆ-ում կենտրոնացման ռիսկերից և նախընտրում արժեքային հատվածը։ Մենք կառուցողական ենք տրամադրված կապիտալ ապրանքների նկատմամբ (բարենպաստ է ավտոմատացման, կայունության, վերագործարկման ուղղություններից օգտվելու համար)։ Դրական ենք բանկերի նկատմամբ՝ ցածր վարկային ծախսերի, ապակարգավորման և վարկային աճի պատճառով։

• AI-տեխնոլոգիական ուղղությունները եվրոպական շուկայում իրագործվում են տվյալների կենտրոնների միջոցով և այլն։ Բացի դրանից, մենք նախընտրում ենք միջին կապիտալիզացիայի հատվածը՝ գրավիչ գնահատումների և ներքին պահանջարկի պատճառով։ Մնում ենք դրական բանկերի նկատմամբ՝ հաշվեկշռի և ֆինանսական արդյունքների ամուր հիմքերի համար։

• Բարձր դիվիդենդային եկամտաբերությունները, բարենպաստ գնահատումները և շուկայի պաշտպանական բնութագրերը ՄԹ բաժնետոմսերը դարձնում են արդյունավետ դիվերսիֆիկատոր։ Ճապոնիայում բաժնետոմսերի հետգնումները և կայուն դիվիդենդներն արտացոլում են երկրի կառավարման բարեփոխումները, ինչի արդյունքում մեր կառուցողական դիրքորոշումը պահպանվում է։

Զարգացող շուկաներ

• Դոլարի թուլացման սպասումները և ԶՇ-ի ուժեղ տնտեսական աճը մեզ թույլ են տալիս տարածաշրջանի նկատմամբ ընդհանուր առմամբ կառուցողական մնալ։

• Տարածաշրջանում ակնհայտ են ընտրության հնարավորությունները։ Օրինակ՝ Լատինական Ամերիկայում, մասնավորապես Բրազիլիայում և Մեքսիկայում։ Բրազիլիայի գնահատումները շատ գրավիչ են, գնաճը նվազում է, ԱՄՆ-ի և ներքին տոկոսադրույքները նույնպես կնվազեն։ Այս բոլոր գործոնները նպաստավոր են Բրազիլիայի համար։

• Ասիայում դրական ենք տրամադրված Հնդկաստանի նկատմամբ և նկատում ենք վարկային աճի բարելավման նախնական նշաններ։ Մյուս կողմից՝ զգուշավոր ենք Թայվանի նկատմամբ, բայց չեզոք՝ Չինաստանի։

• Ոլորտային մակարդակով նախընտրում ենք առաջին անհրաժեշտության սպառողական ապրանքները, անշարժ գույքը և հաղորդակցության ծառայությունները։ Ի հակադրություն դրան՝ զգուշավոր ենք տեխնոլոգիաների նկատմամբ՝ բարձր գնահատումների պատճառով։

ԲԱԶՄԱԱԿՏԻՎ

Ռիսկ կա՝ ժամկետայնության և ոսկու հետ կապված ճշգրտումներ

Ֆրանչեսկո Սանդրինի

Բազմաակտիվների ռազմավարության գծով ստորաբաժանման ղեկավար 

Ջոն Օթուլ

Բազմաակտիվների ներդրումների գծով լուծումների ստորաբաժանման ղեկավար

ԱՄՆ տնտեսությունը մինչև այժմ դիմակայուն է եղել, սակայն առևտրային քաղաքականությունն ու սակագները բարդացնում են կանխատեսումները՝ սպառման և գնաճի վրա իրենց ազդեցության տեսանկյունից։ Եվրոպայում արտահանման ճնշումներն ակնհայտ են, իսկ ներքին պահանջարկը կարող է որոշակի խոցելիություն ունենալ։ Չնայած դրան՝ ընդհանուր տնտեսական միջավայրն անկումային չէ։ Այս պայմաններում կենտրոնական բանկերը պատրաստ են կրճատել տոկոսադրույքները, իսկ կառավարությունները՝ ապահովել ֆիսկալ աջակցություն։ Այդուհանդերձ, առևտրային լարվածությունները, աշխարհաքաղաքական ռիսկերը և գնահատումները խոչընդոտ են մնում։ Հետևաբար, մենք անհրաժեշտ համարում ենք ամրապնդել հեջավորումները։ 

Մենք դրական ենք տրամադրված ԱՄՆ և ՄԹ բաժնետոմսերի նկատմամբ։ Արհեստական բանականության իմպուլսը խթանում է ԱՄՆ կորպորատիվ եկամուտները՝ համաշխարհային իրացվելիության բարենպաստ փուլում։ Սակայն ընդունում ենք գերագնահատման մասին մտահոգությունները և պահպանում ենք տարբերակված դիրքորոշումները միջին կապիտալիզացիայով ընկերությունների վերաբերյալ։ ՄԹ բաժնետոմսերը՝ իրենց պաշտպանական բնութագրերով և բարձր դիվիդենդներով, ևս գտնվում են մեր կողմից դրական  գնահատվող հատվածում։ Չինաստանում և ավելի լայն իմաստով զարգացող շուկաներում, մենք լավատես ենք՝ գրավիչ գնահատումների և զարգացող շուկաների կենտրոնական բանկերի մեղմացած ռեժիմի շնորհիվ։ Այդուհանդերձ, ԱՄՆ-ի հետ առևտրային բանակցությունները կարող են առաջացնել անկայունություն զարգացող շուկաների որոշ ակտիվներում։ Արդյունքում՝ մենք իջեցրինք BRL-ի և MXN-ի դիրքորոշումները CNH-ի նկատմամբ՝ մինչև չեզոք դիրք։ Մշտադիտարկում ենք նաև Բրազիլիայի կառավարական ֆինանսների վիճակը։ Զարգացող շուկաների արտարժույթի շուկայում մենք դրական ենք EUR/USD-ի, ինչպես նաև NOK-ի և JPY-ի նկատմամբ EUR-ի։

Տևողության վրա մենք կիսով չափ նվազեցրինք վստահությունն ԱՄՆ 5տ պարտատոմսերի նկատմամբ։ ԱՄՆ-ում գնաճի տեմպերը դանդաղ են։ Չնայած Դաշնային պահուստը կկրճատի տոկոսադրույքները, այն չի շտապի այնքան ագրեսիվ գործել, որքան ակնկալում են շուկաները։ Առանձին՝ մենք շարունակում ենք նախընտրել EUR 10տ-ները (գնաճի տեմպերի նվազման հարցում առաջընթաց, խոցելի աճ) և իտալական պետական պարտատոմսերը, սակայն զգուշավոր ենք ճապոնական պետական պարտատոմսերի նկատմամբ։ Վարկի մասով մենք շարունակում ենք նախընտրել ԵՄ ՆԴ-ն և զարգացող շուկաների պարտատոմսերը՝ ռիսկի բարենպաստ մթնոլորտում։ 

Ի վերջո, այժմ ավելի քիչ դրական ենք ոսկու նկատմամբ։ Չնայած դոլարի նկատմամբ զգուշավորությանը, մոտ ապագայում կարող է տեղի ունենալ որոշակի կոնսոլիդացիա։ Հետևաբար՝ անհրաժեշտ կլինի պաշտպանության միջոցներ ապահովել դոլարի ամրապնդման դեպքում։ Բաժնետոմսերի մասով ԶՇ-ում հեջավորման անհրաժեշտությունը պահպանվում է։

Հեռանկարներ

Ակտիվների դասերի վերաբերյալ Ամունդի դիրքորոշում

ԿԱՐԵՎՈՐ ՏԵՂԵԿՈՒԹՅՈՒՆ

ՄՍՄԿ-ի տեղեկությունները կարող են գործածվել միայն Ձեր ներքին օգտագործման համար, չեն կարող վերարտադրվել կամ վերատարածվել որևէ ձևով և չեն կարող գործածվել որպես որևէ ֆինանսական գործիքի կամ պրոդուկտի կամ գործակցի հիմք կամ դրա բաղադրիչ։ ՄՍՄԿ-ի որևէ տեղեկություն նախատեսված չէ լինելու ներդրումային խորհրդատվություն կամ որևէ տեսակի ներդրումային որոշում կայացնելու (կամ դրանից զերծ մնալու) առաջարկություն, և դրա վրա չի կարելի հիմնվել որպես այդպիսին։ Պատմական տվյալները և վերլուծությունը չպետք է ընկալվեն որպես որևէ հետագա կատարողականի վերլուծության, կանխատեսման կամ կանխագուշակման մասին նշում կամ երաշխիք։ ՄՍՄԿ-ի տեղեկությունները տրամադրվել են «այնպես, ինչպես կա» հիմքով, և սույն տեղեկություններն օգտագործողն ստանձնում է սույն տեղեկությունների ցանկացած օգտագործման բոլոր ռիսկերը։ ՄՍՄԿ-ն, դրա փոխկապակցված անձինք և յուրաքանչյուր անձ, որը ներգրավված է ՄՍՄԿ-ի որևէ տեղեկություն կազմելուն կամ կապված է դրա հետ (միասին «ՄՍՄԿ կողմեր»), սույն տեղեկությունների մասով բացահայտ հրաժարվում է բոլոր երաշխիքներից (այդ թվում, առանց սահմանափակման, բնօրինակության, ճշգրտության, ամբողջականության, ժամանակին լինելու, խախտում չկատարելու, վաճառքի համար պիտանիության և կոնկրետ նպատակին համապատասխանության վերաբերյալ ցանկացած երաշխիքից)։ Չսահմանափակելով վերոնշյալ որևէ դրույթ, ՄՍՄԿ որևէ կողմ որևէ դեպքում չի կրում որևէ պատասխանատվություն որևէ ուղղակի, անուղղակի, հատուկ, պատահական, պատժիչ, հետևանքային (այդ թվում, առանց սահմանափակման, կորցրած շահույթի) կամ որևէ այլ վնասի համար։ (www.mscibarra.com)։ SM արդյունաբերությունների դասակարգման համաշխարհային ստանդարտը (ԱԴՀՍ) մշակվել է «Ստենդրդ ընդ Փուրզ»-ի և ՄՍՄԿ-ի կողմից և դրանց բացառիկ սեփականությունն ու ծառայությունների ապրանքանիշն է։ Ոչ «Ստենդրդ ընդ Փուրզ»-ը, ՄՍՄԿ-ն և ոչ էլ ԱԴՀՍ որևէ դասակարգում մշակելուն կամ կազմելուն ներգրավված որևէ այլ կողմ որևէ բացահայտ կամ ենթադրյալ երաշխիք կամ հավաստիացում չի տալիս այդ ստանդարտի կամ դասակարգման (կամ դրանց օգտագործումից ստացվելիք արդյունքի) վերաբերյալ, և այդ բոլոր կողմերը սույնով բացահայտ հրաժարվում են ցանկացած այդպիսի ստանդարտի կամ դասակարգման առնչությամբ բնօրինակության, ճշգրտության, ամբողջականության, վաճառքի համար պիտանիության կամ կոնկրետ նպատակին համապատասխանության վերաբերյալ ցանկացած երաշխիքից։ Չսահմանափակելով վերոնշյալ որևէ դրույթ, «Ստենդրդ ընդ Փուրզ»-ը, ՄՍՄԿ-ն, դրան որևէ փոխկապակցված անձ կամ ԱԴՀՍ որևէ դասակարգում մշակելուն կամ կազմելուն ներգրավված որևէ երրորդ կողմ որևէ պատասխանատվություն չի կրում որևէ ուղղակի, անուղղակի, հատուկ, պատժիչ, հետևանքային կամ որևէ այլ վնասի (այդ թվում՝ կորցրած շահույթի) համար, նույնիսկ եթե ծանուցվել է այդ վնասների հնարավոր լինելու մասին։

Սույն փաստաթուղթն ունի միայն տեղեկատվական նպատակներ: Սույն փաստաթուղթը վաճառքի առաջարկ, գնման առաջարկի հրավեր կամ որևէ արժեթղթի կամ որևէ այլ պրոդուկտի կամ ծառայության առաջարկություն չէ։ Ցանկացած արժեթուղթ, պրոդուկտ կամ ծառայություն, որին հղում է կատարվում, չի կարող Ձեր պետությունում համապատասխան մարմնում գրանցվել վաճառքի համար և չի կարող Ձեր պետությունում կարգավորվել կամ վերահսկվել որևէ պետական կամ համանման մարմնի կողմից։ Սույն փաստաթղթում պարունակվող ցանկացած տեղեկություն կարող է օգտագործվել միայն Ձեր ներքին օգտագործման համար, չի կարող վերարտադրվել կամ վերատարածվել որևէ ձևով և չի կարող օգտագործվել որպես որևէ ֆինանսական գործիքի կամ պրոդուկտի կամ գործակցի հիմք կամ դրա բաղադրիչ։ Ավելին, սույն փաստաթղթում պարունակվող ոչինչ նախատեսված չէ հարկային, իրավական կամ ներդրումային խորհրդատվություն տրամադրելու համար։ Եթե այլ բան նշված չէ, ապա սույն փաստաթղթում պարունակվող բոլոր տեղեկություններն ստացված են «Ամունդի ասեթ մենեջմենթ ԷսԱԷս» ընկերությունից և 2025 թվականի հոկտեմբերի 31-ի դրությամբ են։ Բազմազանեցումը եկամուտ չի երաշխավորում կամ չի պաշտպանում կորստից։ Սույն փաստաթուղթը տրամադրվել է «այնպես, ինչպես կա» հիմքով, և սույն տեղեկություններն օգտագործողն ստանձնում է սույն տեղեկությունների ցանկացած օգտագործման բոլոր ռիսկերը։ Պատմական տվյալները և վերլուծությունը չպետք է ընկալվեն որպես որևէ հետագա կատարողականի վերլուծության, կանխատեսման կամ կանխագուշակման մասին նշում կամ երաշխիք։ Շուկայի և շուկայի միտումների վերաբերյալ արտահայտված տեսակետները հեղինակի տեսակետներն են և պարտադիր չէ, որ լինեն «Ամունդի ասեթ մենեջմենթ ԷսԱԷս» ընկերության տեսակետներ ու ցանկացած պահի ենթակա են շուկայի և այլ պայմանների հիման վրա փոփոխության, և չեն կարող լինել հավաստիացումներ առ այն, որ երկրները, շուկաները կամ ոլորտները կհամապատասխանեն ակնկալիքներին։ Սույն տեսակետները պետք չէ հիմք ընդունել որպես ներդրումային խորհրդատվություն, արժեթղթի առաջարկություն կամ «Ամունդի» ընկերության որևէ պրոդուկտի առքուվաճառքի մասին նշում։ Ներդրումը ներառում է ռիսկեր, այդ թվում՝ շուկայական, քաղաքական, իրացվելիության և արժույթի հետ կապված ռիսկեր։ Ավելին, «Ամունդին» որևէ դեպքում չի կրում որևէ պատասխանատվություն դրա հետևանքով առաջացած որևէ ուղղակի, անուղղակի, հատուկ, պատահական, պատժիչ, հետևանքային (այդ թվում, առանց սահմանափակման, կորցրած շահույթի) կամ որևէ այլ վնասի համար։.

Առաջին օգտագործման ամսաթիվը՝ 2025 թվականի հոկտեմբերի 31. Փաստաթուղթ ID՝ 4951757

Փաստաթուղթը տրամադրվել է «Ամունդի ասեթ մենեջմենթ»՝ «société par actions simplifiée- ԷսԱԷս» ընկերության կողմից, որն ունի €1,143,615,555 կապիտալ ․ Պորտֆելային կառավարիչը կարգավորվում է AMF-ի (Ֆինանսական շուկաների կարգավորող մարմնի) կողմից՝ GP04000036 համարի ներքո․ Գլխավոր գրասենյակ՝ Պաստյուղ ճեմուղի 91-93, Փարիզ 75015, Ֆրանսիա․ 437 574։ www.amundi.com.

Լուսանկարը՝ Unya-MT @gettyimages